নেস্নেল হায়ৱে অমগী থাক্তা অপগ্ৰেদ তৌখ্রবা নেস্নেল হায়ৱে নম্বর ১৩৭ হায়না খঙনরিবা ময়ায় লম্বী অসীগী কৈশাম্পাৎ জঙ্কসন্দগী হীয়াংথাং ফাওবগী কিলোমিটর ৯ লোম শাংবা লম্বী অসীদা ঙসীফাওবা লৈঙাক্না মীৎয়েং অমত্তা চঙবীদবনা লম্বীগী ফীভম অসূক্কি মতীক ফত্রে, পোৎহোল মশীঙ থীঙমদনা লৈবনা গারি থৌরিবশিংদা চাউনা অমাঙ- অতা থোকহল্লে হায়না মীয়াম্না পেন্দবা ফোঙদোক্নরক্লি।
ময়ায় লম্বী পরীঙ অসীগী মনাক্তা লৈরিবা হীয়াংথাংদগী চীঙথাম প্রেমকুমার কৌবা মীওই অমনা ফোঙদোরকপা মতূঙ ইন্না, নেস্নেল হায়ৱে অমা ওইনা অপগ্ৰেদ তৌখ্রবসু লম্বী অসী ঙসিফাওবা লৈঙাক্না শেম্বীদবদগী পুখ্রীমুক চাউবা য়াওনা পোটহোল মশীঙ থীঙমদনা লৈরে।
এক্সিদেন্ট থোকপগী চাংসু নোংমা নোংমগী হেঙ্গৎলক্লি। লম্বী ফত্তবনা মরম ওইরগা লম্বী অসীদা গারি থৌবদা থাউ কা হেন্না চাহনবা, গারি য়াম্না তোয়না শেম্বা ময়াম অসীনা মরম ওইরগা চহী অমদা মীয়াম্না অরেম্বদা লূপা ক্রোর ১.০২ রোম চাদীং তৌরি হায়না প্রেমকুমারনা ফোঙদোকখি।হিয়াংথাং, লংথাবাল, ৱাঙ্গোই, শামুরৌ, ময়াং-ইম্ফালনচিংবগী য়ূমথোঙ ১৭,২০০ রোম লম্বী ফত্তবনা মরম ওইদুনা অৱাবা খুদোংচাদবশিং মায়োক্নরগা লৈরি হায়খি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে