লম্বী- থোংদি শেমগৎপগী ৱাখল খনবিয়ু, লম্বী অয়াম্বা চৎপা য়াদ্রে, পি আর লৈঙাক্কি কান্ন বা ফংহল্লু:ফাউন্দেসন

ইম্ফাল ইষ্ট দিষ্ট্রিক্ট হেদক্বার্টরগী রেজিষ্ট্রর ওফিস, পুলিস হেদ ক্বার্টর্স, দিপ্যুটি কম্মিস্নারনা লৈরিবা পোরোম্পাৎ লম্বী অসীফাওবা লৈঙাক অসীনা নীঙথিনা কোইলাস থাদুনা শেমজিন-শাজিনগে হায়বগী ৱাখল অমত্তা ঙসীফাওবদা লৈত্রিবসি মীচম প্রজাশিংদি চম্মম্নবা অমা ফাওরে। লম্বী- শোরোক্তা মীয়াম মরক্তগী কনাগুম্বনা লম হেঞ্জিন্না পব্লিক্কি প্রোপর্টিদা য়ূম- কৈ শাজিনবা, ঈরম- নাল্লা মথক্তা লম হেঞ্জিন্না শাগৎলক্লিবা কন্সত্রক্সনশিং লৈঙাক্কি সেক্যুরিটি ফোর্স কয়ামরুম থাধদুনা তকখায়বগী থবক চত্থরক্লি।

মসী পূক্নীঙ থৌগৎনিঙায়নি হায়না খল্লি। মীয়াম্নসু শৌগৎনরি। তকখায়বা, থুগাইবগী থবক্তা খূমাঙ চাওশীল্লক্লিবা অসীগুম্না মীয়াম্না চৎনরিবা লম্বী থোংশিংগী ফীভম অসূক্কি মতীক ফত্রিবসি লৈঙাক্না খঙবিবগীসু মথৌ তাই হায়বসি অথোরিটিনা নীঙশীংবীয়ু। হৌজিক তম্পাক্কি মফমশিংদা লৈরিবা ষ্টেট হায়ৱেশিং য়াওনা অফবা, মওং মরীল তাবা লম্বী অমত্তা লৈরক্ট্রে হায়বসি অথোরিটিনা খঙজীনবা ফৈ। তকখায়বা, থুগাইবগী থবক্তা য়াম্না হৈ- শিংলবা লৈঙাক অসীনা মীয়াম চৎনরিবা লম্বীশিং অসীগী ফীভম করম্বা থাক্তা লৈরিবগে হায়বা খঙদবগুম তৌদুনা, শেমজীন- শাজিনবগী থবক্তদি ৱাখল অমত্তা খন্থদবগুম তৌবসি মীয়াম্না পেল্লমগদ্রা, নুঙাইরমগদ্রা হায়বসি খন্থবিয়ু হায়না ফাউন্দেসন ফোর রুরেল অর্বান দেভলপমেন্ট মনিপুরনা পেন্দবা ফোঙদোরক্লি।

হৌজিক লৈরিবা ইম্ফাল ইষ্টকি দি সি রোদ অসিদি দ্রেন না ৱাংখৎলগা, লম্বীনা নেমথরগা লৈরে। মসী লৈঙাক সাসন লৈবগী খূদম নত্তে। পি আর লৈঙাক লৈবগী কান্নবদু মীয়ামগী মীত্তা উহল্লু হায়রক্লি। লৈঙাক অসীনা মথোঙ চাদবা থবকশিং চত্থরক্লবদি মনিপুরগী মীয়াম্না খাঙদুনা লৈবা ঙম্লক্লোই হায়না ফাউন্দেসন অসীগী প্র সিদেন্ট না ফোঙদোকখি।চীঙ-তম অনীমক চপ মান্ননা আইন চৎনহনবা ঙমদ্রবদি লৈঙাক লৈরুবগী ৱাহন্থোক অমত্তা লৈতে হায়খি। এল তোম্বা মশামক্না ইম্ফাল ইষ্ট দিষ্ট্রিক্ট কি দি সি রোদ পরীংদা লৈরিবা লম্বী অসূক্কি মতীক ফত্রে হায়না ফাউন্দেসন অসীগী মায়কৈদগী ফোঙদোরক্লি।লৈঙাক পায়রি, কুশি তৌগে খনবিগনু, নখোয়না হয়েং লৈঙাক পায়রক্তবা মতমদুদা নীঙমদবা অদুম্মক লাক্কনি হায়না লৈঙাক্কি মরী লৈনবশিংদা অকনবা ৱাফম ফোঙদোকখি।