দিল্লিদা বেজ তৌবা পিপলস য়ুনিয়ন ফোর সিভিল লিবর্টিজ ( পি য়ু সি এল) কৌবা লূপ অমনা হন্দক হৌখিবা আগষ্ট ২০দা, প্রেস ক্লব ওফ ইন্দিয়া দা ফোঙলকখিবা “ইন্দিপেন্দেন্ট পিপলস ট্রিব্যুনেল ওন দি ওনগোইং ইথনিক কনফ্লিক্ট ইন মনিপুর”, হায়বা লম্মায় ৬৯৪ পানবা রিপোর্ট অদূ অরানবা, য়ূম্ফম য়াওদবা ঙাক্তনি।
মনিপুর হায় কোর্ট না লূপ অদূগী মথক্তা সু মোতু কোগনাইজেন্স লৌখত্তুনা অকনবা চৈরাক পীফম থোকই হায়না জনটা দল য়ুনাইটেদকি লুচিংবা সঞ্জয় অহন্থেম্না ফোঙদোকখিবগা লোয়ননা য়াম্না কন্না য়ানিংদবা ফোঙদোকখ্রে।রিপোর্ট অদুনা মরম ওইরগা মনিপুরদা ঈং-তপ্পা শক্তম পুরক্ননবা হোৎনরিবা অসীদা খুরৌ থাংহল্লগনি, শান্তিগী লম্বীদা অপনবা পীগনি হায়খি।
রিপোর্ট অদূগী মতূঙ ইন্না হীঙশাগী ঈরাং অসী হৌরকপদগী মনিপুর তম্পাক্তা লৈরিবা অরম্বাই তেঙ্গোল অমসুং মৈতৈ লীপূন্না তম্পাক্তা লৈবা কুকি-জো কাঙলূপকি মীওইশিংদা এত্তেক চত্থরুবদগী চীঙদা কুকি-জো কাঙলূপ্না মৈতৈদা অমূক লম্মন খুমদুনা এত্তেক চত্থরকপনি হায়রি। মসি য়ূম্ফম য়াওদবা অরানবা রিপোর্ট অমনি হায়না সঞ্জয়না অকনবা মওংদা য়ানিংদবা ফোঙদোকখি।
You may also like
-
মৈতৈ-নাগা অনীগী ঈমাশিং পূন্দূনা ইস্যু খূদীঙমক থেংননবা ৱারেপ লৌখ্রে
-
নোংমাইলেম্বিনা মিলালগী লূচীংপুরেল ওইরে
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার