মনিপুরদা মহৌশাগী ঈঙ-তপ্পা, চাওখৎপগী অমদি কাঙলূপ অমগা অতোপ্পা কম্যুনিটি অমগা চান্ন-চিন্ননা, নুংশিননা হিংমিন্ননবা লৈঙাক্না লৌখৎলকপা অকনবা খোঙথাঙশিংগী শরুক অমা ওইনা লমদমশিদা লো এন্দ ওর্দর নীংথীনা মেন্টেইন তৌননবা, আইন কায়বা থবকশিং চত্থরকপা থিংননবা মনিপুর পুলিসনা সেন্ট্রেল সেক্যুরিটি ফোর্স শিংগা খূৎশম্নরগা অকনবা চেকশীন থৌরাংশিং লৌখৎলক্লি।
থবক- থৌরমশিং অসীগী মনূঙচন্না চুরাচান্দপুর, চান্দেল, কাংপোকপী, ফেরজোল অমসুং তেংনৌপল হায়রিবা দিষ্ট্রিক্ট মঙা অসীগী মফম কয়াদা ওপরেসনশিং চত্থবদা কম্বাইন্ড সেক্যুরিটি ফোর্স কি কাঙবূনা মশীঙ য়াম্লবা নোংমৈ, বোম, বাইনোক্যুলর, নোংমৈ মরূনচিংবা রিকোভর তৌখ্রে।
আই জি পি (ইন্টলিজেন্স) নিংশেন ৱোরঙমনা পাউমীশিংদা ফোঙদোকখিবা মতূঙ ইন্না, মনিপুর পুলিস, আসাম রাইফলস, ইন্দিয়ান আর্মী, সেন্ট্রেল আর্ম পুলিশ ফোর্স কি অপূনবা খূৎপূ অমনা খূৎশম্নরগা থি-হূম্বগী থবক চত্থবদা একে সেরিজগী রাইফল ৮, ইন্সাস রাইফল ২,টেলেস্কোপ য়াওবা স্নাইপর রাইফল ১, থ্রী নোট থ্রী রাইফল ২, কার্বাইন ৪,ত্বেল্ব বোর রাইফল ১৪,নাইন এমএম পিষ্টোল ৮ য়াওনা পূন্না নোংমৈ ১৫৫ ফাগৎপা ঙমখি। নোংমৈ মরূ ১৬৫২ শু ফাগৎখি। বাইনোকুলার ৪,কম্যুনিকেসন সেট ১৫,টেলেস্কোপ ১সু রিকোভর তৌখি হায়না আই জি পি অসীনা মখা তানা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে