থাইলেন্দ অমসুং কম্বোডিয়া অনীগী মরক্তা মতম কয়াগী মমাঙদগী ঙসীফাওবা য়েৎনদুনা, য়ূমথঙনরিবা লৈবাক অনী অসীগী মরক্তা মূক্নদুনা লাকখিবদু হৌখিবা চয়োল খরগী মতমসিদা য়েংথীনবগী চাংসু য়াম্না ৱাংখৎলক্তুনা অমনা অমগী মথক্তা অকনবা মরাল থঙজীন্নরক্তুনা এত্তেক তৌনরক্লি। ঙমখৈদা লৈরিবা হীন্দূগী লাইশং অমগী মতাঙদা য়েৎনবগা লোয়ননা মূক্নদুনা লাকখিবদু হৌখিবা চয়োল খরগী মতমসিদা কা হেঞ্জিন্নরকপদগী হন্দক কম্বোডিয়াগী লান্মীশিংনা থাইলেন্দগী ঙমখৈ লান্সীল্লক্লগা মাইন বোম ফুমজিল্লম্বদগী থায় আর্মীগী লান্মী মঙা অশোক- অপন নংহনখিবনি।
কম্বোদিয়ানা মসিগী মতূঙদসু অমুক হন্না নোংমৈ রাউন্দ কয়ামরুম কাপশীল্লকখিবদা শূপ্নগী চহী ৫ খক্তা ঙায়রিবা অঙাঙ অমা য়াওনা মীওই অহুম শাথীনা শোকহনখিবগা লোয়ননা অতোপ্পা মীওই অমা শিখি। মসিগী লম্মন খুম্বা ওইনা থাইলেন্দনা ঙরাং অফবা মখলগী ফাইটর এয়রক্রাফ শীশীন্নদুনা কম্বোদিয়াগী তোঙান তোঙানবা মফম কয়াদা নোংথক্তগী অকনবা এত্তেক চত্থখ্রে। থৌদোক অদূদা লন-থুম কয়া অমাঙ- অতা থোকহনখ্রে।
কম্বোদিয়াগী কোনুং নোম পেনদা লৈবা থাইলেন্দগী এম্বাসেডর কৌথোকখিবগা লোয়ননা বেঙ্কোক্তা লৈরিবা কম্বোদিয়াগী এম্বাসেডরসু খূদক্তা মফম অদূ থাদোক্লগা মরমদম পাংখিনবা থায় অথোরিটিনা খঙহনখ্রে।মালেমগী তোঙান তোঙানবা য়ূমথঙনরিবা লৈবাকশিংগী মরক্তা লানগী ফীভমশিং মায়োক্নরকপা মতৌশি য়েংলগা মালেমগী অহুমশুবা লাঞ্জাও অমা থোক্লক্কদ্রা হায়বগী মিপাইবা নোংমা নোংমগী হেঙ্গৎলক্লি হায়না অখঙ- অহৈশিংনা নুংনাংবা ফোঙদোক্নরক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা