য়ুনিয়ন মিনিষ্ট্রি ওফ ইলেক্ট্রোনিক্স এন্দ ইনফোর্মেসন টেক্নোলোজি না শীন্দুনা পাঙথোক্কদবা, নুমিৎ মঙানি চূপ্না চত্থগদবা বুট কেম্প অমা ঙরাং হৌদোকখ্রে।
ইন্দিয়ান ইন্সটিট্যুট ওফ ইনফোর্মেসন টেক্নোলোজি (আই আই আই টি) গী শ্বামি বিবেকানন্দ ওদিতোরিয়মদা প্রোগ্রাম অদূ হৌদোকখি। ইলেক্ট্রোনিক্স এন্দ অনমেন এরিয়েল সিষ্টেম, সেন্সর্স এন্দ কম্যুনিকেসন গী মতাঙদা পাঙথোকখিবা বুট কেম্প অদূ হৌদোকপগী থৌরমদুদা আই আই আই টিগী দিরেক্তর প্রোফেসার ক্রিষ্ণন ভাস্কর অমসুং শক্নায়রবা এক্সপর্ট কয়ানা শরুক য়াখি।
থৌরমদুদা প্রোফেসর ভাস্করনা,মালেম অসীদা ঙসীদি ইনফোর্মেসন টেক্নোলোজি অসী অরেপ্পা লৈতনা মাঙলোমদা খূমাঙ চাওশীল্লক্লি। মীকূপ খূদিংগী অহোংবা, চাওখৎপা কয়ামরুম ইনফোর্মেসন টেক্নোলোজি না মীওইবগী পুন্সিদা অহোংবা নাইহল্লি। মীওইবনা মমাঙদা খল্লুদবা, মঙগুম্লবা থবক- থৌরম কয়া ইনফোর্মেসন টেক্নোলোজিনা ঙসীদি ওইথোকপা ঙমহল্লক্লি। মীগা লাইগা খেন্নবা লৈরক্ট্রে, অসীগুম্লবা মতাঙসিদা ঐখোয়নসু হোংলক্লিবা চাওখৎপগী খোঙজেল অসীদা য়াওশীন্দুনা খুদোংচাবা পূম্নমক লৌহৌননবা হোৎনহৌশি হায়না ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা