মেদিকেল হীষ্টরিদা য়াম্না তাঙনা থেংনবা কেস অমদা, হৌখিবা জুলাই ৯ দা মশাগী চহী ৩৫ রোম শুরবী, ইম্ফাল ইষ্ট দিষ্ট্রিক্টকি পোরোম্পাত্তা লৈবী নূপী অমগী গোল ব্লাদরদগী সেন্টিমিটর ৯ মপূঙফানা চাউ- শাংলবা নূঙ অমা লেপ্রোস্কোপীক সর্জরি তৌরবা মতূঙদা মায় পাক্না লৌথোকপা ঙমখ্রে। দিষ্ট্রিক্ট অসীগী মনূঙচন্না খূরায় লাইরিকয়েংবম লৈকায়দা লৈবা লিট্টল ক্লিনিক তা পুখৎলকখিবা নূপী অদূ অহানবদা অল্ট্রা সাউন্দ লৌদুনা য়েংলুবদা মহাক্কি গোল ব্লাদরদা সেন্টিমিটর ৮ শাংবা নূঙ অমা ওইনা লৈরে হায়না দিটেক্ট তৌরকখি। অদূম ওইনমক সর্জরি মায় পাক্না চত্থরবা মতূঙদা ওন্দুনা য়েংলুবা মতমদা সেন্টিমিটর ৯ শাংবা নূঙ অমা ওইরম্বনি হায়রি।
মেদিকেল লিটরেচরদা থেংনরকখিবদা হৌজিক ফাওবগী ওইনা মীওইবগী গোল ব্লাদরদা সেন্টিমিটর ৮ দগী হেন্না চাউ-শাংবা নূঙ অমত্তা লৈখিদ্রি অদূম ওইনমক হন্দক্কি অসীদি চপচানা সেন্টিমিটর ৯ শাংবা ওইরম্বনি হায়না সর্জরি অদূবু মায় পাক্না পাঙথোকখিবা দা. সাপম ওপেন্দ্রো না ফোঙদোকখি।
ক্লিনিক অসীদা ভিজিট্টিং সর্জন অমা ওইনা লৈরিবা দা. সাপম ওপেন্দ্রো অসী হান্না রিমস হোস্পিটালদা সর্জরি দিপার্টমেন্টকি প্রোফেসার ওইনা থৌ পুরম্বদগী থবক্তগী পোত্থারবনি হায়রি। মীওইবগী গোল ব্লাদরদা নূঙ লৈবা হায়বসি মহৌশানি। অদূম ওইনমক সেন্টিমিটর ৯ শাংবা নূঙ থেংনবা অসীদি অতাঙবা থৌদোক অমনি হায়না মহাক্না ফোঙদোকখি। গোল ব্লাদর অদুদা লৈঙোয় মকূপকুম্বা মেটরিয়েল ময়াম অমসু চঙশীন্দুনা, য়াম্না কন্দেন্স ওইনা কন্সীল্লবা মওংদা নপশীন্দুনা লৈরম্বসু থেংনখি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর