ইম্ফাল জুলাই ১০: য়ুনাইটেদ কম্মিটি মনিপুর লিংখৎখিবগী চহী ২৫ শুরকপগী সিলভর জুবিলিগী থৌরম ঙরাং মপূঙফানা পাঙথোকখ্রে। চহী অমা চূপ্না পাঙথোক্তুনা লাকখিবনি। থৌবাল দিষ্ট্রিক্টকি মনূঙচন্না লৈরিবা চরাংপাৎ মমাঙ লৈকায়দা লৈবা কম্যুনিটি হোলদা থৌরম অদু পাঙথোকখিবনি। থৌরম অদূগা মরী লৈননা লৌমীশিংগী ট্রেনিং প্রোগ্রাম অমসু পাঙথোকখি। নোংমগী ওইবা ট্রেনিং প্রোগ্রাম অদুদা য়ু সি এমগী প্রসিদেন্ট ৱাই কে ধিরেন, দিষ্ট্রিক্ট এগ্ৰিকলচর ওফিসার, থৌবাল ওইনা লৈরিবা থীয়াম জয়প্রকাশ, য়ু সি এম চরাংপাৎ য়ুনিটকি প্রসিদেন্ট সাইরেম মংলেম্বা, চরাংপাৎ গ্ৰাম পঞ্চায়েত এদমিনিষ্ট্রেসনগী চ্যেরমেন শগোলশেম জয়চান্দ নচিংবা শক্নায়রবা মীওইশিং শরুক য়াখি।
