মনিপুরদা হৌখিবা কুমশিং ২০২৩ গী মে ৩ দগী থোরক্লিবা হীঙশাগী ঈরাং অসীদা মীওই ৬২,০০০ রোম লাঞ্জেন্নদুনা তোঙান- তোঙানবা রিলিফ কেম্প শিংদা চঙজফম লৌদুনা লৈরকখি। হৌজিক ঈমূঙ খরদি মশিগী হান্নগী য়ূমশিংদা হন্নখিবসু য়াওখ্রবনা মীওই ৫৭,০০০ লোম আই দি পি ওইনা রিলিফ কেম্পশিংদা চঙজফম লৌদুনা লৈহৌরি। লেমহৌরিবা ঈমূঙশিং অসীসু চৎলিবা চহী অসীগী দিসেম্বর থা ফাওবগী মনূঙদা মশা- মশাগী হান্ন গী লৈফমশিংদা হঞ্জিলহল্লগনি হায়না মনিপুরগী চিফ সেক্রেটরি প্রসান্ত কুমার সিংহনা ফোঙদোকখ্রে।
ঙরাং হোটেল ইম্ফালদা পাঙথোকখিবা মনিপুর ষ্টেট কম্মিসন ফোর সেদ্যুল্ড ট্রাইবকি অনীশুবা ফাউন্দেসন ডেগী থৌরমদা শরুক য়াবা লাকখিবা চিফ সেক্রেটরিনা ৱাফম অসী ফোঙদোকখিবনি। মহাক্না মখাতানা হায়, আই দি পিশিং অসী তাঙ্কক অহুম থোক্না মশা- মশাগী হান্নগী লৈফমশিংদা হঞ্জিলহনগদবনি। অহানবা তাঙ্কক্কি ওইনা চৎলিবা জুলাই থা অসীদা ঈমূঙ কয়ামরুম হঞ্জিলহন্ননবা থৌরাং তৌরি। অনীশুবা তাঙ্কক্কি ওইনা লাক্কদৌরিবা ওক্তোবর থাদা অদুগা অহুমশুবা, অরোয়বা তাঙ্কক্কি ওইনা চহী অসীগী দিসেম্বর থাদা ময়ূমদা হঞ্জিলহল্লগনি।
মতমদুফাওবদা মশাগী ময়ূমশিংদা হঞ্জিনবদা খুদোং চারোইদবশিংগী ওইনা মতম খরগী ওইনা লৈননবা প্রি ফেব্রিকেটেদ হাওস ১০০০ শাদুনা থমগনি হায়খি। য়ূম শাবদা মতেং ওইননবা য়ূমথোঙ খূদীঙদা লূপা লাখ ৩/৩ গী পেক্কেজসু পীরগনি হায়না মহাক্না ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে