হন্দক্তা বিষ্ণুপুর দিষ্ট্রিক্টকি মনুঙচন্না লৈবা ফূবাল্লাদা লৌমী অমনা মশাগী লৌবূক্তা লৌ শুদুনা লৈরিঙৈদা কুকি মিলিটেন্ট শিংনা নোংমৈ কাপশীল্লক্তুনা শোকহনখিবা অমসুং তোঙান- তোঙানবা মফমশিংদা তম্পাক্কি লৌমী শিংনা মশাগী লৌফমশিংদা লৌ শূরিঙৈদা নোংমৈ, বোম্ন চিংবা কাপশীল্লকপদগী লৌমী কয়ামরুম শিখিবা, অদুগা কয়া অমনা শোকখিবা থৌদোকশিং অসীগী য়েংলগা ঙরাং মনিপুর লৈঙাক্কি সেক্যুরিটি এদভাইজর ওইরিবা কুলদিপ সিংনা ময়ায় তাঙবল লৌদুনা সেক্যুরিটিগী মীফম অমা কম্বাইন্দ হেদক্বার্টর্স তা পাঙথোকখ্রে।
তোঙান তোঙানবা সেক্যুরিটি ফোর্সশিংগী মকোকথোংবা ওফিসারশিং শরুক য়াখিবা মীফম অদুদা লৌমীশিংনা লৌউ পান্থা মতমসিদা লৌবূকশিংদা থবক শূরিঙৈদা ঙাক শেনবগী থবক পায়খৎলিবা সেন্ট্রেল সেক্যুরিটি ফোর্স কি মতেং মনিপুর পুলিসনা মপূঙফানা পাংহন্ননবা ৱারেপ লৌখি।
মনিপুর পুলিসনা মপূঙ ওইবা থৌদাং লৌদুনা লৌমীশিং অশোয়- অঙাম থোকহন্দনবা হোৎনরগনি। ফূবাল্লা মায়কৈদসু অহেনবা সেক্যুরিটি শীজিন্নদুনা লৌমীশিং ঙাক শেনবা হৌখ্রে।