চৎলিবা কুমশিং ২০২৫ অসীগী ওইনা বোর্দ ওফ সেকেন্দরি ইদুকেসন মনিপুর (বোসেম) , সেন্ট্রেল বোর্দ ওফ সেকেন্দরি ইদুকেসন (সি বি এস ই) অমদি কোহসেম্না কন্দক্ট তৌদুনা পাঙথোকখিবা ক্লাস টেন অমসুং ট্যুয়েল্ব ইগজামশিংদা মায় পাক্লকখ্রবা থাঙ্গ কেন্দ্রগী মনূঙচন্না লৈরিবা মহৈরোয়শিং তরাম্না ওক্তুনা পূক্নীঙ থৌগৎপা থৌরম অমা ঙরাং পাঙথোকখ্রে।
কোমোল এন্দ কুমারি (কে এন্দ কে) ফাউন্দেসন্না শীন্দুনা থাঙ্গ হাওরেং চীঙয়াঙ কম্যুনিটি হোলদা পাঙথোকখিবা নোংমগী ওইবা ইদুকেসন কনক্লেভ কম প্রাইজ দিষ্ট্রিব্যুসন সিরেমোনি অদুদা দি এম কল্লেজ য়ুনিভর্সিটিগী হান্নগী ভাইস চাঞ্চেল্লর প্রোফেসার এন রাজমুহোন, মহারাজ বোধচন্দ্র কল্লেজগী প্রিন্সিপাল দা. ভবানন্দ তখেল্লম্বম, বোসেমগী রিটায়র্দ দিপ্যুটি সেক্রেতরি দা. সলাম মঙ্গি, ক্রিয়েটিব সার্কলগী দিরেক্তর থীয়াম হেরোজিৎ, মনিপুর পুলিসকি রিটায়র্দ এদ্দিস্নেল এস পি বিরবাবু লাইশ্রম্নচিংবা শক্নায়রবা মীওই কয়ামরুম শরুক য়াখি।
ক্লাস টেন ইগজামদা মায় পাক্লক্লবা মহৈরোয় ৬২ অমসুং ক্লাস ট্যুয়েল্ব ইগজামদা মায় পাক্লক্লবা মহৈরোয় ২০ দা মেমেন্টো, সাইতেসন অমসুং কেস প্রাইজশিং পীদুনা পূক্নীঙ থৌগৎপা ফোঙদোকখি।