মনিপুরগী তোঙান- তোঙানবা দিষ্ট্রিক্ট শিংদা লৈরিবা চীঙ অমসুং তম্পাক্কি এরিয়াশিংদা চত্থরক্লিবা সর্স ওপরেসনশিংদা য়াম্লবা খূৎশু- খূৎলায়শিং ফাগৎপা লেপত্রি। থা অসীগী ১৬ অমসুং ১৭ তসু ইম্ফাল ইষ্ট, ককচীঙ দিষ্ট্রিক্ট অমসুং সেনাপটি দিষ্ট্রিক্ট শিংদগী খূৎলায় কয়ামরুম ফাগৎপা ঙমখ্রে। সেক্যুরিটি ফোর্স না ইম্ফাল ইষ্ট দিষ্ট্রিক্টকি মনূঙচন্না লৈবা নোংজেংবি উরূপ চীঙদা সর্স ওপরেসন চত্থবদা ৩০৩ রাইফল ১গা লোয়ননা মেগজিন অমা, নাইন এম এম পিষ্টোল অমা, মেগজিন অহুম, কন্ট্রিমেদ পিষ্টোল অমা অমসুং অতৈ য়াম্লবা পোৎলমশিং রিকোভর তৌবা ঙমখি।
অমরোমদা, ককচীঙ দিষ্ট্রিক্টকি খরূঙপাৎ বফেল্লো ফার্ম মনাক্তা চত্থখিবা সর্স ওপরেসন অমদা মেগজিন য়াওবা কার্বাইন অমা, বোল্ট এক্সন সিঙ্গল বেরেল রাইফল মরি, রিভোলবর অমা, ৩৬-হেন্দ গ্ৰেনেদ অহুম, ৫১ এম এমগী মোর্টার সেল অমা অমসুং য়াম্লবা অতৈ খূৎশু- খূৎলায় কয়া ফাগৎখি।
সেক্যুরিটি ফোর্সনা মখাতানা সেনাপটি দিষ্ট্রিক্টকি মনূঙচন্না লৈবা কাইলেঞ্জাং ভিল্লেজদা চত্থখিবা সর্স ওপরেসনশিংদা য়াম্লবা নোংমৈ মখলশিং, নোংমৈ মরূ অমসুং পোকখায়বা য়াবা মচাকশিং পৈশিন্দুনা শকখঙদবশিংনা থম্লম্বদগী রিকোভর তৌবা ঙমখ্রে হায়রী। ফাগৎলকখ্রবা খূৎশু- খূৎলায়শিং অদূ মখাতানা ইনভেষ্টিগেসন চত্থনবগীদমক মরী লৈনবা পুলিস ষ্টেসনশিংদা শিন্নখ্রে হায়না মনিপুর পুলিসকি পাউ অমনা মখা তারক্লি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি