জষ্টিস ভূষন রামক্রিষ্ণ গভাই লৈবাক অসীগী ৫২ শুবা চিফ জষ্টিস ওইনা ৱাশক লৌদূনা মথৌ পাঙথোকপা হৌখ্রে। রাষ্ট্রপটি ভবন্দা পাঙথোকপা থৌরম অমদা লৈবাক অসীগী প্রসিদেন্ট দ্রৌপদি মুর্মুনা মহাকপু থবক পায়বা অমসুং কন্সটিট্যুসনগী কাঙলোনশিং ঙাক্না থবক তৌননবগী ৱাশক লৌখি।
ইন্দিয়াগী চিফ জষ্টিস ওইনা ফম পায়বা ইহান হানবা বুধিষ্ট কাঙলূপকী মীওইসু গভাইনা ওইরে। মহাক চহী অসীগী নবেম্বর ২৩ ফাওবা থবক পায়নবগী মতম লৈরি। মহাক্কি মতূঙদা চহী অসীগী নবেম্বর ২৪ দগী অমুক অনৌবা চিফ জষ্টিস ওইনা জষ্টিস সুর্যকান্ত না থবক পুরবা য়াই হায়রি। সুপ্রিম কোর্ট কি ওইনা হৌজিক লৈরিবা অপূনবা জজ ৩২ অসীগী মনূঙদা নূপী জজ অনীসু য়াওরিবনি। মখোয়শিং অদুদি জষ্টিস বেলা এম ত্রিবেদি অমসুং জষ্টিস বি ভি নাগরথনা হায়রিবা অসীনি।
জষ্টিস ত্রিবেদি দি ঙসী থবক্তগী পোত্থারগদবনি। অমরোমদা, জষ্টিস বি ভি নাগরথনা দি কুমজা ২০২৭ তা নুমীৎ ৩৬ নি ইন্দিয়াগী চিফ জষ্টিস ওইনা থৌ পুবগী তাঞ্জা ফংলবা য়াই হায়না পানরিবনি। হন্দক ৱাশক লৌদূনা মথৌ পাঙথোকপা হৌগদৌরবা মীকূপ্তুদা জষ্টিস গভাইনা প্রাইম মিনিষ্টর নরেন্দ্র মোদি, লো মিনিষ্টর আর্জুন রাম মেঘৱাল, হোম মিনিষ্টর আমিট শাহ অমদি অতৈ শক্নায়রবা মীওই কয়াগা খূৎ শোক্নখি।চৎলিবা মে থা অসীগী ১৪ দা মহাক ৱাশক লৌখিবনি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে