কংগ্রেস পু অমাঙ- অতা থোকহন্ননবা সেন্টর লৈঙাক্না প্রোব এজেন্সিশিং অরানবা মওংদা শীজিন্নরগা লৈরি অদুগা নেস্নেল হেরাল্ড কেসতা লেঙবা য়াদবা এসেটশিংগী মপূ ওইননবা, লৌশিন্ননবা এনফোর্সমেন্ট দিরেক্তরেটনা নোটিস ইস্যু তৌশিন্দুনা দেমোক্রেসিদা এসোল্ট চত্থরক্লিবসি খ্বায়দগী চুমদবা শাজৎনি হায়না রাজ্য সভাগী এম পি কাপিল সিবালনা সেন্টরবু অকনবা মওংদা মরাল শীখ্রে।
চীনহায় ওইনা পঙহায় হায়নবদদি ইন্দিয়া অসী দেমোক্রেসিগী মমানি হায়নরি অদুবু থবক তৌথোরকপদনা বি জে পিনা লুচিংলিবা সেন্টর লৈঙাক অসী দিক্তেটরশিপকি মপা অমগা চপ মান্নরি হায়না মহাক্না ফোঙদোকখি। বি জে পিনা হীন্দূ-মুস্লিম খায়বগী এজেন্দা অমগী মখাদা মখোয়গী পোলিটিক্স চত্থবা পাম্লি। মসীখক্তা নত্তনা ওপ্পোজিসন পার্টিশিং মূত্থত্তুনা মাঙহনবসু পাম্লি হায়না সিবালনা পাউমীশিংগা উনখিবা থৌরম অমদা ফোঙদোকখি।
কংগ্রেসনা কন্ট্রোল তৌবা নেস্নেল হেরাল্ড ন্যুজপেপরগী লূপা ক্রোর ৬৬১ গী ভেল্যু ওইবা লেঙদবা লন-থুমশিং লৌশিন্ননবা এনফোর্সমেন্ট দিরেক্তরেটনা নোটিস ইস্যু তৌখ্রে হায়না পেপর অসীগী মথক্তা প্রোব চত্থরক্লিবা এজেন্সি অসিনা লাউথোরকখ্রবা মতূঙ নোংঙানবা নুমিত্তা সিবালনা মহাক্কি ৱাফম অসী ফোঙদোরকখিবনি। পেপর অসীগা লোয়ননা এসোসিয়েটেদ জর্নেলস লিমিটেদ ( এ জে এল) গী মথক্তা মনি লোন্দরিং প্রোব চত্থদুনা ই দিনা লাকখিবগা লোয়ননা নেস্নেল হেরাল্ড ন্যুজপেপরগী অমসুং এ জে এলগী ইম্মুভেবল এসেটশিং মৎলগনি হায়না লাউথোকখিবনি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে