হৌখিবা চয়োল অমগী মমাঙদগী কনবা ঙমদনা পাক- শন্না চাক্লক্লিবা সাউথ কোরিয়াগী লমজাউ- লাম্মৈ হৌজিক ফিভম খরা ফগৎলক্লে, ফায়র ফাইটরশিংনা নীংথীনা কন্ট্রোল তৌবা ঙম্বগী থাক্তা লৈখ্রে।
লমজাউ- লাম্মৈ অসী মপূঙফানা মূত্থৎপদি হৌজিকসু ঙমদনা লৈরি। চীঙমায়- চীঙজাও কয়ামরুম পাক- সন্না খোন্দুনা চাক্লকখিবা লাম্মৈ অসী মালেমগী পুৱারিদা খ্বায়দগী তমথিরবা লাম্মৈ চাকপগী থৌদোকশিংগী মনূঙদা অমা ওইরি হায়রি। হৌজিক ফাওবগী ওইনা লাইবক থীরবা লাম্মৈ চাকপগী থৌদোকশিদা য়ামদ্রবদা মীওই ৩৫ গী পুন্সি পিখম্নখ্রে অদুগা লূপা লাখ ক্রোর কয়াগী লন- থুম মাঙহন-তাকহনখ্রে হায়রি।
চহী অসীগী ওইনা সাউথ কোরিয়াগী লমজাউ- লাম্মৈ চাকপগী থৌদোক অসীনা খ্বায়দগী তমথিবা মৈ চাকপগী থৌদোক হায়বদু ওইরি। লৈবাক অসীগী তোঙান তোঙানবা মফম ১২ দা লাম্মৈ চাকপগী থৌদোক মতম অমত্তদা মায়োক্নরকখিবনি। সাউথ কোরিয়াগী খা-নোংপোকথংবা শরুক্তা লৈবা পাক- চাউরবা উমংশিং লাম্মৈনা কোয়শীন্দুনা চাক্লকপদগী মফম অদোমদা লৈবা মীওই ৩৮,০০০ হেন্না শাফগদবা মফমশিংদা চেন্থোক্নরকখ্রে। কম্যুনিকেসন লাইন খুদীঙমক লাম্মৈ অসীনা মরম ওইদুনা ফাওনহনখিদ্রে।
হৌখিবা কুমশিং ১৯৮৭ তসু তমথিরবা লমজাউ- লাম্মৈ চাকপগী থৌদোক অমা লৈবাক অসীদা মায়োক্নখিবনি অদুবু তমথিবগী চাংদি হন্দক্কি অসীনা য়াম্না হেল্লি। হন্দক্কি থৌদোক অসিদা মীওই কয়ামরুম শোক্তুনা হোস্পিটালাইজ তৌরি। মী শিবগী মশীংসু নোংমা নোংমগী হেঙ্গৎলক্লি হায়রি।হৌজিকফাওবদা উমংগী লম হেক্তর ৪৫,০০০ হেন্না মৈ চাকখ্রে হায়বগী পাউ লৈখ্রে।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে