হৌখিবা নোংমাইজিং নুমীৎকি নোঙাল্লমদাই অঙনবা অয়ূক্তা ওরিষ্যাগী বালিকুদ্দা পুলিস লিমিট মনূঙদা লৈবা জন্টাকোথি ভিল্লেজদা ইখঙ-খঙহৌদনা মৈ চাকখৎলকপদা লাইরিক ময়াম থম্বা গোদ্দাওন অমা তুম্না মাঙখ্রে।থৌদোক অদুদা লূপা ক্রোর অমরোমগী মাল-চাং মাঙ- তাকখ্রে অদুগা মতমদুদা বূক গোদ্দাওন অদুগী মনূঙদা লৈখিবা মীওই অহুম মৈনা চাকপদগী অশোক- অপন থোকখ্রে হায়রি। করিগুম্বা পোৎশক অমা মফম অদুদা খঙহৌদনা অকনবা খোঞ্জেল অমসুং শাফূগা লোয়ননা পোকখায়রকখিবদা মৈ চাকপগী থৌদোক অদূ মায়োক্ন খিবনি।
পোকখায়বা অদুগী শক্তিদু অসূক্কি মতীক কনবা মরম্না মদূগী ঈৱায়- ইনিলনা গোদ্দাওন অদূগী ফক্লাংশিং চেকখায়রকখি হায়রি। পোকখায়বা অদুগী অকনবা শাফূনা মরম ওইদুনা গোদ্দাওন অদূগী সট্টর অনী মিটর ২০০ রোম লাপ্না পাইথোকহনখি। মাছাগাউ ভিল্লেজদা লৈবা অসিস সাহু কৌবা মীওই অমনা য়ূম অহুমখক, জান্টাকোথিদা লৈবা দিল্লিপ জেনা কৌবা মীওই অমদগী ভারাদা লৌরবা মতূঙদা য়ূমশিং অদূ লাইরিক্কি গোদ্দাওন ওইনা শীজিন্নবনি হায়রি। অসিস হায়রিবা মীওই অদু বূক দিষ্ট্রিব্যুটর অমসুং হোলসেল্লর অমনি। মহাক্না মফম অদুদা লাইরিক লীশীং কয়ামরুম পৈদুনা থম্ব নি।
নূমিৎ অদুগী অয়ূক অঙনবা পূঙ ২.৩০ রোম তারকপদা কা হেন্না অকনবা মখোল হৌরবা পোকখায়বগী থৌদোক অমা মায়োক্নরকখিবগা লোয়ননা খূদক্তা মৈ চাক্লকখিবনি। মদুগা থংনবদা লৈবা য়ূম খরদসু মৈ অদুনা খূদক্তা শন্দোকখিবদগী লাইরিক য়োনবগী থবক তৌবা, তূমদুনা লৈবা মীওই অহুম মৈ অদুনা চাকপদগী শোকখিবনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে