মনিপুর ষ্টেট লিগেল সার্বিস ওথোরিটি ইম্ফালগী মীৎয়েং মখাদা দলসা থৌবালনা দিষ্ট্রিক্ট এদমিনিষ্ট্রেসন থৌবালগা খূৎশম্নদুনা চৎলিবা থা অসিগী ২২ গী অয়ূক পূঙ ১০ তাবদা মেগা লিগেল সার্বিস এন্দ হেল্থ কেম্প অমা পাঙথোকখ্রে। রাইস রিছার্স ষ্টেসন, খাঙবোক্তা লৈরিবা রিলিফ কেম্প তা পাঙথোকখিবা কেম্প অদুদা থৌবাল দিষ্ট্রিক্টকি দিপ্যুটি কম্মিস্নার অহন্থেম সুভাস, আই এ এসনা অথোয়বা মীথূংলেন, থৌবাল দিষ্ট্রিক্ট পুলিসকি এস পি সিবানন্দ সর্ভে, চিফ মেদিকেল ওফিসার, থৌবাল দা. য়েংখোম নোকুলনা অখন্নবা মীথূঙশিং ওইনা শরুক য়াখি।
দলসা থৌবালগী চ্যেরমেনসু ওইরিবা দিষ্ট্রিক্ট এন্দ সেসন্স জজ থৌবাল সামোম ইবজেন, এম জে এসনা থৌরমদুগী প্রসিদেন্ট ওইনা শরুক য়াখি। রাইস রিছার্স ষ্টেসন, খাঙবোক্তা হাংদোক্লিবা রিলিফ কেম্প অদুদা দিষ্ট্রিক্ট এদমিনিষ্ট্রেসন থৌবালনা রেস্পোন্সিবিলিটি খূদীঙমক লৌদূনা লাক্লি হায়না দি সি সুভাসনা ফোঙদোকখি।
মেগা লিগেল এৱের্নেস কেম্প অদুদা ইন্দিয়ান কন্সটিট্যুসনগী মনূঙদা য়াওরিবা ফন্দামেন্টেল রাইট অমসুং ফন্দামেন্টেল দ্যুটিশিংগী মতাংদা এদভোকেট এমদি জাকির হুসেন্না ৱাফম কয়া ফোঙদোকখি। ৱিমেন্স রাইট এন্দ লিগেল সার্বিসেস হায়বা হীরমদনা এদভোকেট কে ঐচ লেম্বিসনা মৈদিঙুনা ৱা ঙাঙখি। পি এম এ জে ৱাইগী কার্দ শিংসু রিলিফ কেম্পরশিংদা য়েন্থোকখি। মেগা মেদিকেল কেম্প অদুদনা মেদিসিন, হেপাটাইটিস, পেডিয়াট্রিক, গাইনিনচিংবগী দাক্তরশিংনা মীয়ামগী হেল্থ চেক- অপ তৌখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি