মনিপুরদা প্রসিদেন্ট রুল থমজিল্লকখ্রবা মতূঙদা বি জে পিগী এম এল এ মশীঙ শুনা লৈরবসু ঙসীফাওবা অমত্তা ওইবগী ৱারেপ লৌদুনা, পূম্নমক্না য়ানরবা লুচিংবা অমা খনবা ঙমদবদগী মীয়ামগী লৈঙাক-সাসন অমা থম্বা ঙমদ্রি। চৈরকশিদা মনিপুর লেজিসলেটিব এসেমব্লিগী স্পিকর থোকচোম সৈত্যবর্তা না মহাক্কি মায়কৈদা এম এল এ মশীঙ খ্বায়দগী য়াম্বনা শৌগৎলকপগা লোয়ননা মীয়ামগী লৈঙাক- সাসন অমা অথূবা মতমদা মনিপুরদা উবা ফংলগনি হায়বগী ইঙ্গিৎ মীয়ামদা পীবা ওইনা মনিপুর লেজিসলেটিব এসেমব্লিগী এম এল এ ১৮ গা লোয়ননা সিটিজন্স ক্লবকি এন্যুয়েল স্পোর্টস ফেষ্টিভেলদা শরুক য়াখ্রে।
ইম্ফাল ইষ্ট দিষ্ট্রিক্ট কি মনূঙচন্না লৈরিবা সোইবম লৈকায়, ৱাংখৈ খূনৌগী সিটিজন্স ক্লবনা শীন্দুনা হন্দক চহীগী ওইনা পাঙথোকখিবা ৫৫ শুবা এন্যুয়েল স্পোর্টস ফেষ্টিভেল, ২০২৫ লোইশিনবা থৌরম চৎলিবা থা অসীগী ১৭ তা ক্লব অসীগী গ্ৰাউন্দা পাঙথোকখিবদা স্পিকর থোকচোম সৈত্যবর্তা না অথোয়বা মীথূঙলেন ওইনা শরুক য়াখি। মহাক্কা লোয়নরকখিবা এম এল এ শিংনা গেষ্ট ওফ ওনরশিং ওইনা শরুক য়াখি।
থৌরম অদূগী চিফ হোষ্ট ওইনা ৱাংখৈ এ সিগী এম এল এ থাংজম অরুনকুমারনা মীয়াম্বু তরাম্না ওকখি। অথূবা মতমগী মনূঙদা মহাক্না লুচিংবা মীয়ামগী লৈঙাক- সাসন অমা মনিপুরগী মীয়ামনা উবা ফংলগনি হায়বগী নাকোয়নবা ইঙ্গিত অমা থৌরমগী অথোয়বা মীথূঙলেনগী ৱারোল পীবদা সৈত্যবর্তা না মীয়ামদা ফোঙদোক্লমখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে