হৌখিবা নোংমাইজিং নুমিত্তা য়ামদ্রবদা ম্যান্মার রিজিমগী লান্মী ৫০ পিপলস দিফেন্স ফোর্স (পি দি এফ) না হাৎপা ঙমখ্রে অদুগা লৈঙাক্কি লান্মী ১৪ সু ফাজীন্দুনা থম্লে হায়না ক্লেম তৌরক্লি।হৌখিবা লৈবাকপোকপা নুমীত্তসু পি দি এফ অমসুং মসীগা চৎমিন্নরিবা রেজিষ্টেন্স ফোর্সশিংনা রিজিম ফোর্স কি মথক্তা অকনবা এত্তেক চত্থখি লোয়ননা ৱেটলু ভিল্লেজরোমদা হন্দোরকখিবা রিজিমগী ফোর্স ২০০ রোমদা অকনবা লান্দা চত্থখি।
রিজিমগী ফোর্স কাঙবূ অদু মখোয়গী কম্মান্দর, মিলিটরি ষ্ট্রেটেজিষ্ট জেয়র ঔংনা লুচিংদুনা চঙশীল্লকখিবনি হায়রি। খূৎলায়না পানবদগী শোক্লবা লৈঙাক্কি লান্মী কয়ামরুম হোন্দোকখিবগী শক্তম উবা ফংখি হায়না পি দি এফ কি মায়কৈদগী ফোঙদোকখি।নুমিৎ অদুমক্তদা লৈঙাক্কি লান্মী ২৭ হাৎপা ঙমখি অদুগা মেজর ৱিন লাইং ঊ অমসুং কেপ্তেন ঔং কো কো য়াওনা লান্মী ১৪ সু দিটেইন তৌদুনা থমখ্রে হায়না ক্লেম তৌরক্লি। মন্দলে রিজনগী নাটোগী টাউন্সিপতা রেজিষ্টেন্স গ্ৰুপশিংগা অকনবা মওংদা খূৎ থোক্নবদা রিজিম ট্রূপশিং পাক্তক্ননা সরেন্দর তৌরকখ্রে হায়রি।
রেজিষ্টেন্স গ্ৰুপশিংদা ইনৌ নৌনা লৈঙাক্কি লান্মী অনী সরেন্দর তৌরকখি অদুগা কাপ্নবদা রিজিম ফোর্স কয়া মখা তানা অশোক- অপন মায়োক্নখি হায়রি।