ইন্দিয়ান পারলিয়ামেন্ট অমসুং ষ্টেট এসেমব্লিশিংদা নূপীশিংদা চাদা ৩৩ গী সিট রিজার্বেসন চৎনহন্ননবা ওল ইন্দিয়া মহিলা কংগ্রেস কম্মিটিনা শীন্দুনা থা অসীগী ১০ দা ন্যু দিল্লিদা লৈরিবা জন্টর মন্টরদা প্রোটেষ্ট তৌখ্রে। মনিপুর প্রদেশ মহীলা কংগ্রেস কম্মিটিনা শীন্দুনা ইম্ফালদা লৈবা কংগ্রেস ভাবন্দা পাঙথোকখিবা পাউমীশিংগা উনখিবা থৌরম অমদা মনিপুর প্রদেশ মহিলা কংগ্রেস কম্মিটি অসীগী প্রসিদেন্ট মুতুম সর্দা দেবিনা ৱাফম অসী ফোঙদোরকখিবনি।
পারলিয়ামেন্ট অমদি ষ্টেট এসেমব্লিশিংদা নূপীগী সিট চাদা ৩৩ খাক্তুনা থমগদবনি হায়বসি কংগ্রেস অমসুং লৈবাক অসীগী নূপী ওইবীশিংনা অদুঙৈ কুমশিং ১৯৯৬ তগী ঙসিফাওবা লাউদুনা লাকপনি হায়খি। কুমশীং ২০২৩ গী সেপ্তেম্বর থাদা ইন্দিয়ান পারলিয়ামেন্টতা বিল অমা পাস তৌদুনা এসেমব্লি অমসুং পারলিয়ামেন্টতা নূপীশিংগী চাদা ৩৩ সিট রিজার্ভ তৌগদবনি হায়না ময়েক শেংনা লৈখ্রবনি। হায়রিবা বিল অদূ পাস তৌখ্রবসু ঙসিফাওবা ইমপ্লিমেন্ট তৌদনা লৈরক্লি। থৌওং অসী থবক্তা ওন্থোক্তবনা মরম ওইরগা নূপীশিংগী পুন্সিদা খুদোংচাবা পীদুনা শক্তি মপূঙফানা পীবা হায়বা ৱাফমদু চীনখক্তগী ওইনা লৈরি হায়খি।
মরমশিং অসিদগী পেন্নদ্রবা ওল ইন্দিয়া মহিলা কংগ্রেস কম্মিটিনা দিল্লিগী জন্টর-মন্টরদা অকনবা মওংদা প্রোটেষ্ট তৌখিবনি হায়না মহাক্না ফোঙদোকখি।পাস তৌখ্রবা বিল থবক ওইনা চৎনহল্লু হায়বা দাবী তৌদুনা মশীঙ য়াম্লবা কংগ্রেস পার্টিগী নূপীশিংনা খোঙজঙ অদূ চঙশিনখিবনি হায়না মহাক্না মখা তাখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে