অদূঙৈ কুমশিং ১৯৫৩ গী মতমদা ইন্দিয়াগী প্রাইম মিনিষ্টর পন্দিট জৱাহরলাল নেহরুনা মনিপুরগী কবো তম্পাকপু মতমদুগী বর্মা, অদুগা হৌজিক্না ম্যান্মার হায়রগা খঙনরবা, মনিপুরগা য়ূমথঙনরিবা লৈবাক অসীদা পীথোকখিবা অসী য়াম্না মরম চাদবা, আইন কায়বা অমসুং ট্রিটি ওফ য়ান্দাবু গী চৎনা-কাঙলোনশিংগী ৱাংমদনি। মরম অসিনা কবো তম্পাক অসী অমুক হন্না মনিপুরগী টেরিটোরি অমা ওইনা হঞ্জিলহন্ননবা করি-করম্বা থবক-থৌরমশিং পায়খৎপা য়াবগে হায়বদু য়েংশিনবিয়ু হায়না রাজ্য সভাদা মনিপুরগী এম পি ওইনা লৈরিবা নিংথৌ লৈশেম্বা সনাজাউবনা সভাগী পূক্নীং চিংশিনখ্রে।
ঙসীদগী হৌখ্রবা পারলিয়ামেন্ট কি বদজেট সেসনগী অনিশুবা তাঙ্কক হৌদোকপগী ৱাহং-পাউখুম মতমদা এম পি সনাজাউবনা ৱাফম অসী পুখৎলদুনা মরী লৈনবশিংগী মীৎয়েং চিংশিনখিবনি। অনিশুবা তাঙ্কক্কি বদজেট সেসন অসী লাক্কদৌরিবা মার্চ থাগী ৪ ফাওবা চত্থগদবনি।
অদূঙৈ কুমশিং ১৪৫০ গী মতমদগী মনিপুরগী টেরিটোরি অমা ওইনা লৈরকখিবা কবো তম্পাক অসী রিছোর্স মরাঙ কায়না লৈরিবা লমদম অমনি। জৱাহরলাল নেহরুনা মতমদুগী ইন্দিয়ান পারলিয়ামেন্টকি নত্রগা মনিপুর লৈঙাক্কি অয়াবা অমত্তা য়াওদনা ম্যান্মারদা কবো তম্পাক পীথোকখিবদু ট্রিটি ওফ য়ান্দাবুগী মায়োক্তনি, মদূ খ্বায়দগী লাইবক থীবা থৌদোক অমনি হায়না সনাজাউবনা য়াম্না কন্না পেন্দবা ফোঙদোকখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে