গান্ধীজিনা হৌদোক্লম্বা নন-ভাইওলেন্স, নন-কোওপরেটিব মূভমেন্ট না মনিপুরগী ঈরাঙ লেপহনবদা অচৌবা মতেং পাংগনি : দা. মৈন্য

মনিপুরদা হৌজিক লৈরিবা হীংশাগী ঈরাঙ লাকশীনবদা জাতিগী মপা মহাত্মা গান্ধীজিনা হৌদোক্লম্বা নন- ভাইওলেন্স অমসুং নন- কোওপরেটিব মূভমেন্টনা য়াম্না চাউনা কান্নবা পীগনি। মূভমেন্ট অনী অসীখক্কি পাম্বৈনা হীংশাগী ঈরাঙ অসী মূত্থৎপা ঙমগনি হায়না মনিপরগী ভেটরান কংগ্রেস লিদর দা. থোকচোম মৈন্য না ফোঙদোকখ্রে। মহাত্মা গান্ধীজিনা চ্যেরমেন ওইদুনা কর্নাটাকাগী বেলাঘাবিদা হৌদোক্লম্বা এ আই সি সি সেসনগী সেন্টিনারি সসেসনগী কম্মেম্মোরেটিব প্রোগ্রাম ঙরাং কর্নাটাকাদা হৌদোকখিবগা মরী লৈননা ইম্ফালগী বির টিকেন্দ্রজিট রোদতা লৈবা কংগ্রেস ভাবন্দা পাঙথোকখিবা থৌরম অমদা লোক সভাগী হান্নগী এম পি অসীনা হায়, মহাত্মা গান্ধীনা হৌদোক্লম্বা নন- ভাইওলেন্স অমসুং নন- কোওপরেটিব মূভমেন্ট অনী অসীনা পোলিটিকেল ফ্রিদম ফংনবগী অমত্তা ঙায়রবা পাম্বৈ ওইরি।

ঙসিগী চরাঙনরবা খুনাই অসীদসু জাটিগী মপা অসীগী মূভমেন্ট অনী অসীনা চাউনা কান্নবশিং পীদুনা ঙসিফাওবা মতমগা চান্নরবা মূভমেন্ট অমা ওইনা লৈরি। খুনাই অসীদা শোক্ন-শম্নবা য়াদবগী, লায়রা-ইনাকখুনবশিংগী মরক্তা লৈরিবা খেন্নবগী শক্তমশিং মাঙহন্দুনা মান্নবা খুনাই অমা পুরকপদা গান্ধীজিনা হৌদোক্লম্বা নন- ভাইওলেন্স অমসুং নন- কোওপরেটিব মূভমেন্ট অনী অসীনা অচৌবা কান্নবশিং পীদুনা ঙসিফাওবা লৈরি হায়খি। কর্নাটাকাদা হৌদোকখিবা কম্মেম্মোরেটিব প্রোগ্রাম অদুদা শরুক য়ারুনবগীদমক এম পি সি সিগী প্রসিদেন্ট কৈশাম মেঘচন্দ্র, সি দব্লিয়ু সি মেম্বর জি গাইখাঙম, এ আই সি সি মেম্বর ওক্রম ইবোবিসু হান্ননা ষ্টেট অদুদা থুংখ্রবনি।

ঙরাং নুংথিল পূং ২.৩০ তাবদা হৌজিক ইন্দিয়াদা ওইরক্লিবা পোলিটিকেল সিনেরিও খন্ন-নৈনখি। ঙসিনা মীয়ামগী মরাথোন অমা পাঙথোক্কনি হায়রি।