কুকি- নার্কো টেরোরিষ্ট শিংনা মমাঙ চহী ২০২৩ গী মে অহূমদগী মৈতৈ কম্যুনিটিগী মথক্তা মথোঙ মরম খঙদনা এত্তেক তৌদুনা মীচম মীয়াম, অঙাঙ-নূপী কয়ামরুম নোংমৈ বোমশিং কাপশীন্দুনা হাৎলক্লিবা অসীদগী মীয়ামগী পুন্সি অমসুং লন- থুম ঙাক- শেন্ননবা হোৎনরিবা ভিল্লেজ ভল্লন্টিয়রশিং মনিপুর পুলিস কম্মান্দোশিংনা ফাবা-পুনবা তৌরিবা অমসুং হাৎপফাওবা চত্থরক্লিবসি কৈদৌনুংদা য়াবা ঙম্লোই। মখা তারকপদা খুল ঙাক্লিবা ঈচা-ইনাওশিং মনিপুর পুলিস কম্মান্দোশিংনা ফাবা-পুনবা অমত্তা য়ারোই হায়বা খোল্লাউগা লোয়ননা মনিপুরগী তোঙান তোঙানবা মফমশিংদা অকনবা প্রোটেষ্ট চত্থখ্রে।
মশীগী শরুক অমা ওইনা ইম্ফালগী কৈসাম্পাৎ লৈমজম লৈকায়দা লৈবা কম্যুনিটি হোলদসু কোকোমিনা লুচিংদুনা মশীং য়াম্লবা মীয়াম্না ৱাকৎ মীফম অমা চত্থখি। মদুদা শরুক য়াখিবা কোকোমিগী কোর্দিনেটর থোকচোম সমরেন্দ্রোনা হায়, ইন্দিয়া লৈঙাক্কি অরোনবা এজেন্দা অমগী মখাদা মনিপুরগী মীটৈ কম্যুনিটি তুম্না মূত্থৎনবা হোৎনরক্লে। কুকি- নার্কো টেরোরিষ্ট শিংদা তোংশিন্দুনা মীটৈগী মথক্তা এত্তেক চত্থবা হৌরক্লে হায়বসি তশেং তশেংলে হায়খি।
ঙরাংগী প্রোটেষ্ট অদুদা শরুক য়াখিবা মীয়াম্না শলুংফম মীহাৎ য়ানিংদে,খুল ঙাকপশিং ফাবা অমসুং হাৎপা খূদক্তা লেপ্পু, মীটৈদা পুলিস কম্মান্দোশিংনা থৌনা ফবা শাবগী মহূৎ কুকি- নার্কো টেরোরিষ্ট শিংদা নথৌনা ঊত্তুনা টেরোরিষ্টশিং অসী তুম্না মাঙহন্ননবা চীঙদা চৎলু, আফস্পা ১৯৫৮ মনিপুরদগী খূদক্তা লৌথোক্কদবনি হায়বা খোল্লাউগা লোয়ননা প্লেকার্দ শিংসু শীজিন্নখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর
-
পূখ্রি ওল্লবা ইম্ফাল পাঙ্গৈ-পুখাউ রোদ খোয়শাওনরবা মীয়াম্না মতম কক্তনা থিংজিনখ্রে