গুদ গভর্নান্স হায়বসি পুকচেল তিংনা, নুং-পান ফাওনা মীয়ামদা শাসনগী মওং-মতৌশিং খঙহনবগা লোয়ননা দাইত্য মশক খঙনা মীয়ামগী য়াইফা থৌরাংশিং পায়খত্তুনা মীয়ামদা অফবা লৈঙাক- শাসনগী মহাও পীরিবা, মীয়ামগী অৱাবা খুদোংচাদবশিং কোকহনবা ঙম্বা লৈঙাক অদূবুনি হায়না চিফ মিনিষ্টর নোংথোম্বম বিরেন্না ফোঙদোকখ্রে। চিফ মিনিষ্টর সেক্রেটরিয়েত্তা লৈবা কেবিনেট হোলদা ষ্টেট লৈঙাক্কি দিপার্টমেন্ট ওফ এদমিনিষ্ট্রেটিব রিফোর্মস দিভিজন্না শীন্দুনা পাঙথোকখিবা, চৎলিবা দিসেম্বর থা অসীগী ২৪ ফাওবা চত্থগদবা গুদ গভর্নান্স ৱিক থৌরম হৌদোকপগা লোয়ননা “প্রসাসন গাউ কি ওরে” থৌরম হৌদোকখিবদা অথোয়বা মীথূঙলেন ওইনা শরুক য়াখিবা চিফ মিনিষ্টর নোংথোম্বম বিরেন্না ৱাফম অসী ফোঙদোকখিবনি।
গুদ গভর্নান্স ৱিক অসী লৈখিদ্রবা হান্নগী প্রাইম মিনিষ্টর অটল বিহারি বাজপায়ি না দিসেম্বর ২৫ দা তাইবংদা খোঙদারকখিবগী বারথ এনিভর্সেরি থৌরমগা মরী লৈননা চত্থবনি। কুমশিং ২০১৭ কি মার্চ থাদা মহাক্না চিফ মিনিষ্টর ওইনা ৱাশক লৌখিবা মীকূপ্তুদা ইহান হান্না মহাক্কি পূক্নিংদা ফাওরকখিবা অসি মনিপুরগী চীঙ-তম অনীমক্তা থোং মান্ননা চাওখৎ-খোঙথাঙ পায়খৎনবা গো টু হীলস পায়খৎকে খনখিবগা লোয়ননা থবক্তা ওন্থোকপা ঙমখি হায়না সি এম্না ফোঙদোকখি।
মদূগী মতূংদা গো টু ভিল্লেজ পায়খৎখি। দিষ্ট্রিক্ট শিংগী এদমিনিষ্ট্রেটরশিংনা নীংথিনা মতেংপাংদুনা থবকশিং মায় পাক্না পাঙথোকপা ঙম্লিবনি হায়খী।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি