অদূঙৈ কুমশিং ১৯৩৯ দা ব্রিটিশ সাসনগী লূজদবা পোলিসি কয়ানা মনিপুরদা চাক তাঙবগী থৌদোকশিং থোকহনখিবা থৌওংশিংগী মায়োক্তা মতমদুগী থৌনা ফরবী ঈমাশিংনা থৱায় পাম্মুবা লৈতনা, অকিবা য়াওদনা ব্রিটিশ সিপায়শিংগা মায়োক্নখিবা, অশোকপা কয়া, অশীবা কয়া মায়োক্নখিবা থৌদোক অদুবু চহী খূদিংগী নীঙশীংদুনা লাকপগী ৮৫ রকশুবা থৌরম ঙরাংসু দিসেম্বর ১২ না লাকপদা ষ্টেট লৈঙাক্না শীন্দুনা মপূঙফানা পাঙথোকখ্রে।
অয়ুক্তা চিফ মিনিষ্টর এন বিরেন্না লুচিংদুনা অতৈ মিনিষ্টর খরা, এম এল এ শিং, সিভিল অমদি পুলিসকি মকোকথোংবা ওফিসিয়েলশিং অমসুং মীয়াম্না শরুক য়াদুনা ইম্ফালগী নূপীলান মেমোরিয়েল কমপ্লেক্সতা লৈবা নূপীলান নীঙশীং খুভমদা হৈ-লৈ কত্তুনা মতমদুগী লৈখিদ্রবী, থৌনা ফরবী ঈমাশিংদা ঈকায়খুম্নবগা লোয়ননা তৌবিমল খঙবা ঊত্তুনা হৌদোকখি। মদুগী মতূংদা মপূঙ ওইবা থৌরম জি পি ৱিমেন্স কল্লেজদা পাঙথোকখি।
থৌরমদুদা চিফ মিনিষ্টরনা অথোয়বা মীথূং, মিনিষ্টর থোঙাম বিশ্বজিৎনা থৌরম মপূ ওইখি। ওইনাম কেন্দ্রগী এম এল এ ইরেংবম নালিনি, চান্দেলগী এম এল এ ওইনা লৈরিবা এস এস ওলিস অমসুং নাউরিয়া পাখঙলাকপা কেন্দ্রগী এম এল এ শোরায়সম কেবিনা অখন্নবা মীথূংশিং ওইনা শরুক য়াখি। ষ্টেট অসীদা মায়োক্নরগা লৈরিবা হীংশাগী ঈরাঙ অসী সেন্টর অমসুং ষ্টেট লৈঙাক্না ৱারোয়শিন পুরক্নবা হোৎনরি, ফিভম খরা লুশিনখিবদগী খূদক্তা লাকশীনবা ঙমদবনি হায়না চিফ মিনিষ্টরনা থৌরমদুদা ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর