মনিপুর লৈঙাক্কি টুরিজম দিপার্টমেন্ট কি মখাদা লৈরিবা অমত্তা ঙায়রবা হোটেল অমা ওইরিবা হোটেল ইম্ফাল অসী মতমগা চূনরবা লকজরি হোটেল অমা ওইহন্ননবা, মসীগী ইনফ্রাষ্ট্রকচর শেমগত্তুনা ফীভম হেন্না ফগৎহন্ননবা অমসুং হোটেল অসীগী কেম্পসতা ফাইব ষ্টার কেটাগোরিগী হোটেল অমা শেমগৎনবা পান্দমদা ঙরাং লিজ-দিদ অমা সাইন তৌনখ্রে।
লিজ-দিদ অদূ ষ্টেট লৈঙাক্কি টুরিজম দিরেক্তর দব্লিয়ু ইবোহল অমসুং ক্লাসিক গ্ৰুপ ওফ হোটেলস গী পেরেন্ট কম্পেনি ওইনা লৈরিবা ববিনা হেল্থ কেয়র এন্দ হোস্পিটালিটি ইন্দষ্ট্রিজ প্রাইভেট লিমিটেদকি মেনেজিং দিরেক্তর দা. থাংজম ধবল্লি অনীগী মরক্তা সাইন তৌনখিবনি। চহী ৩০ চৎনগদবা লিজ-দিদ অদূনা মরম ওইরগা ষ্টেট অসীগী টুরিজম সেক্তরদা চাউনা অহোংবা পুরক্তুনা চাওখৎহনবা ঙম্লগনি হায়না দিরেক্তর ইবোহলনা অপেনবা ফোঙদোকখি।
মনিপুরদা টুরিজম সেক্তরদা অহোংবা পুরক্তুনা নীংথীনা চাওখৎহন্ননবা হোৎনবদা লমদমসিদা মতমগা চূনরবা লকজরি হোটেল কয়ামরুম শেমগৎপা মথৌ তাই। হোটেল ইম্ফালগী কেম্পসতা শাগৎকদৌরিবা ফাইব ষ্টার কেটাগোরিগী হোটেল অসী লাক্লিবা কুমশিং ২০২৬ কি নবেম্বর থাদা শঙ্গানবা পান্দম থম্লি হায়নসু দিরেক্তর অসীনা পাউমীশিংদা ফোঙদোকখি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর