তেংনৌপল দিষ্ট্রিক্টকি মনূংদা ম্যান্মার বোর্দর অমসুং কুকি- চিন্না খুন্দারিবা মোরে মনাক্তা মৈতৈ ফূরুপনা খুন্দাবা, অমত্তা ঙায়রবা খুঙ্গং অমা ওইরিবা ক্বাথাগী খুঞ্জা ৩১ ইম্ফাল দা মহৈ-মশিন,লাইরিক – লাইশু তম্বা অমদি অনা-লায়েংগা মরী লৈননা ইম্ফালদা চৎপা মথৌ তারকপদা হৌজিক থোক্লিবা হীংশাগী ঈরাং অসীনা মরম ওইদুনা চত্থোক- চৎশীন তৌবা ঙমদনা লৈরক্লি।
ক্বাথাদা লৈরিবা খুঞ্জাশিং অদূগী খুদোংচাদবশিং অদূ কোক্নবগীদমক আসাম রাইফলস না গারীশিং থৌরাং তৌবিবগী মথক্তা এস্কোর্ট তৌরগা অশোয়- অঙাম অমত্তা য়াওহন্দনা ইম্ফাল য়ৌনা পুথোরকখ্রে হায়রি । চৎলিবা থা অসীগী অহুমদা অঙাঙশিং অমসুং অহলশিং-পূন্না মীওই ৩১ ইম্ফাল ফাওবা পুথোরকখিবনি। চত্থোক- চৎশীন তৌবদা অশোয়- অঙাম থোক্তনবা বুল্লেট প্রূফ গারীদা তোংহল্লকখিবনি হায়রি।
আসাম রাইফলসনা পূকচেল চাউনা, খুদোংচাদ্রবা অমদি অৱাবা মায়োক্নরবা মীয়ামগী মতেং পাংখিবা থৌওং অদূবু মফম অদূগী মীয়াম্না তরাম্না ওকপগা লোয়ননা থাগৎখি। মীয়াম অমসুং আসাম রাইফলসকি মরক্তা হেন্না নকশীন্নবা মরী অমা শাগৎলকপা অসী অফবা খোঙথাং অমনি হায়না ক্বাথাগী খুঞ্জাশিংনা হরাওবা ফোঙদোক্নখি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে