হৌখিবা নভেম্বর ৩০ দা ইম্ফাল নোংচুপ পানাগী মনূং চন্না লৈরিবা ময়াং ইম্ফাল বেঙ্গুনদা লৈবা বেকরি অমদা থবক শূবা শিন্মি শাদুনা অশাবা আই এল পি পাস পায়দুনা লৈরম্বা, বংলাদেস মচা ওইরমগনি হায়না চিংনবা মীওই ২৯ থেংনবদগী আসামদা দিপোর্ট তৌখ্রে হায়না চিফ মিনিষ্টর নোংথোম্বম বিরেন্না ফোঙদোকখ্রে। হোম দিপার্টমেন্ট কি ওফিসিয়েলশিং অমসুং পুলিসনা য়েংশিল্লুবদা থেংনরকখিবা মীওই ২৯ অদূ ইম্ফাল নোংচুপ পানাগী দিপ্যুটি কম্মিস্নারনা ভেরিফিকেসন চত্থবদা মখোয়দু আই এল পি গাইদলাইন ২০১৯ গী চৎন-কাঙলোনগী ৱাংমদা পাস পায়দুনা থবক শুবা শিন্মি শাদুনা লৈরম্বনি হায়রি।
মখোয়দা অদূগুম্বা অরানবা আইনগী অমদি গাইদলাইনগী ৱাংমদা পাস ইস্যু তৌরম্লিবা মরী লৈনবা এস দি সি অদু খূদক্তা সস্পেন্দ তৌখ্রে লোয়ননা মহাক্কি মথক্তা দিপার্টমেন্টেল ইনক্বারি চত্থনবা অকনবা থবক থৌরমশিং লৌখৎপা হৌরে হায়না চিফ মিনিষ্টরনা ফোঙদোকখি।
মীওই ২৯ অদু আসামগী আধার কার্দ পায়রম্বা মরম্না আসামদা থা অসীগী ২ দা থিন্দোকখ্রে হায়বা ৱাফম চিফ মিনিষ্টরনা থমখি। ষ্টেট লৈঙাক্কি হোম দিপার্টমেন্ট না মরী লৈনবা দিষ্ট্রিক্ট এদমিনিষ্ট্রেসন অমসুং লেবর কম্মিস্নরদা হীরম অসী শীন্নদুনা দিটেল ইনক্বারি চত্থরবা মতূংদা অথূবা মতমদা রিপোর্ট পীখৎলক্নবা খঙহনখ্রে হায়খী।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে