হৌখিবা নবেম্বর ২৫ দা লৈমখোংদা লৈরিবা ইন্দিয়ান আর্মীগী রেদ সিল্ড দিভিজন হায়রগসু খঙনরিবা ৫৭ শুবা মাউন্টেন দিবিজনগী মিলিটরি ষ্টেসন্দা কন্সট্রক্সনগী থবক থৌরমশিং য়েংশিন্ননবা চৎখিবা, থবক শুরিবা অদূদা সুপর্ভাইজর ওইনা লৈবা লাইশ্রম কমলবাবু কৌবা মীওই অমা ঙসীফাওবা থিবা খঙখিদবা থৌদোক অসী য়াম্না কিনিঙায় মশক্নি অদুগা থৌদোক অসীনা মনিপুরগী মীয়ামদা কা হেন্না মিপাইহল্লে হায়না মনিপুরগী লোক- সভা এম পি অঙোমচা বিমোল অকোয়জম্না ফোঙদোকখ্রে।
নবেম্বর ২৫ দা কমলবাবু অসী আর্মীগী কেম্প অদূদা চঙখ্রে হায়বগী খূদম এন্ট্রি তৌরিবা গেটকি রেজিষ্টরদগী কনফার্ম তৌখি অদূগা মহাক্না থোকখিবগী খূদম অমত্তা এগজিট পোইন্ট তা লৈরিবা রেজিষ্টরদগী ফংবা ঙমখিদে। মসীনা তাকপদি কমলবাবু অসী মফম অদুদগী চত্থোকখিবা লৈত্রি হায়বনি। ফীভম অসী য়েংলগা মনিপুরগী মীয়াম্না সেন্ট্রেল সেক্যুরিটি ফোর্স তা মতৌ করম্না থাজবা থমগদৌরিবনো হায়না বিমোলনা নুংনাংবা ফোঙদোরকখি।
থা অসীগী অনীদা প্রেস ট্রষ্ট ওফ ইন্দিয়া (পি টি আই) গা অখন্ননা উনখিবা থৌরমদা মহাক্না ৱাফম অসী থম্লকখিবনি। থৌদোক অসীগী য়াওনা হৌজিক মনিপুরদা থোক্লিবা হীংশা অসীগী মতাংদা মহাক্না পারলিয়ামেন্ট কি নিংথম মীফম চত্থরিবা অসীদা পুখৎলগনি হায়খি।