ব্রাজিলগী রিও দি জানৈরোদা পাঙথোক্কদৌরিবা জি-২০ সম্মিটতা শরুক য়াননবগীদমক প্রাইম মিনিষ্টর নরেন্দ্র মোদি ঙসী ন্যু দিল্লি থাদোকখ্রগনি। নাইজেরিয়া অমসুং গুয়েনাদসু প্রাইম মীনিষ্টর মোদিনা চৎলমগনি হায়রি। মোদিনা রিও দি জানৈরোদা থুংদ্রিঙৈ মমাঙদা আফ্রিকাগী রিছোর্স য়াম্না লৈবা লৈবাক অমা ওইরিবা নাইজেরিয়াদা হান্না থুংলুগনি হায়না এক্সটর্নেল এফিয়র্স মিনিষ্ট্রিগী ষ্টেটমেন্ট অমদা ফোঙদোরকখ্রে।
হৌখিবা চহী ১৭ কি মতমসিদা ইন্দিয়াগী প্রসিদেন্ট অমনা নাইজেরিয়া দা চৎপা অসী হন্দক্কি পি এম মোদিগী খোঙচৎ অসীনা ওইরি। নবেম্বর ১৮ দগী রিও দি জানৈরোদা পাঙথোক্কদৌরিবা জি-২০ সম্মিটতা মহাক্না শরুক য়াগদৌরিবনি। ইন্দিয়া, ব্রাজিল অমসুং সাউথ আফ্রিকা লৈবাক অহুম্মক জি-২০ ট্রোইকাগী শরুক অমমম ওইরিবা লৈবাকশিংনি।
মালেমগী মরুওইবা তোঙান তোঙানবা ইস্যু অমসুং মেত্তরশিংগা মরী লৈননা ইন্দিয়ানা হৌজিকফাওবদা লেঙদনা লেপ্লিবা খোঙফমশিংগী মতাঙদা প্রাইম মিনিষ্টরনা মীফম অদুদা মরীক চূম্বা ৱাফম কয়া থমগদৌরি। সম্মিট অদুগী মতাইদা মোদিনা মালেমগী তোঙান তোঙানবা লুচিংবা কয়াগসু উনদুনা ৱারী-ৱাতায় শান্নরক্কনি হায়রি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে