মনিপুর তম্পাক্কি পুলিস ষ্টেসন ১৯ না কোল্লিবা এরিয়াশিংদা মহৌশা থমজিল্লম্বা দিষ্টর্ব এরিয়া ষ্টেটস লৌথোক্তুনা মতম খরা লৈরকখ্রবা মতূংদা চৎলিবা নবেম্বর থা অসিগী ১৪ দা মিনিষ্ট্রি ওফ হোম এফ্যের্স না মনিপুর তম্পাক্কি পুলিস ষ্টেসন তরুক্না কোনবা মফমশিংদা দিষ্টর্ব এরিয়া ষ্টেটস থমজিন্দুনা আর্ম ফোর্সেস স্পেসিয়েল পৱার্স এক্ট, ১৯৫৮ অমুক হন্না চৎনহনখ্রে। মসিনা মরম ওইরগা হান্নদি মফমশিং অসিদা সেক্যুরিটি ফোর্সনা ওপরেসন্নচিংবা চত্থনবা হোৎনবা মতমদা মেজিষ্ট্রেট অমগী অয়াবা অমা মাঙজৌননা লৌবা মথৌ তারম্বদু হৌজিক্তি দিষ্টর্ব এরিয়া থমজিনখ্রবনিনা সেক্যুরিটি ফোর্স না অপাম্বা মওংদা ওপরেসনশিং মনীং তম্না চত্থবা য়াহল্লগনি, মেজিষ্ট্রেটশিংগী অয়াবা লৌবগী মথৌ তাররোই হায়রি।
নৌনা দিষ্টর্ব এরিয়া ষ্টেটস লাউথোকখ্রবা মফমশিং অদুদি শেকমাই, লমশাং,লম্লাই ,জিরিবাম,লৈমখোং অমসুং মোইরাং পুলিশ ষ্টেসনশিংগী জুরিসদিক্সন মনূংচন্না লৈরিবা মফমশিং অসিন।
মনিপুরদা মমাঙ চহীদগী চিন- কুকি- নার্কো- টেরোরিষ্টশিংনা চত্থরক্লিবা এত্তেক কয়া অসীগী ইস্যু লোইশিন্ননবা হোৎনবগী মহুত্তা কান্নদবদা সেন্টর লৈঙাক্না মফম খরদা দিষ্টর্ব এরিয়া ষ্টেটস থমজিল্লক্লিবসি কুকি মিলিটেন্ট শিংগী ইস্যু অসী মীয়ামগী পূক্নিং ৱাখলদগী নাথৈহন্দুনা পুথোক্নবা হোৎনরকপনি হায়না সেনিয়র এদভোকেট খাইদেম মনিনা ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর