তাজমহল মঙাগী মরেপ ৱাং-চাউবা এষ্টেরোইদ মালেম প্রিথীবী মনাক নক্না পাইশিল্লক্লি, অতৈ কয়াসু চঙশীল্লক্লি: নাসা

চৎলিবা ওক্তোবর থা অসীগী ২৬ তগী ২৮ ফাওবগী মতমসিদা মহৌশাগা মান্নদবা মওংদা তাজমহল মঙাগী মরেপ ৱাং- চাউরবা অমা য়াওনা চাউরা-চাউরবা এষ্টেরোইদ কয়ামরুম প্রিথীবী তম্না পাইশিল্লক্লি, অদূম ওইনমক হৌজিকমক্কি ওইনদি প্রীথীবীগী সেটেলাইট অমা ওইরিবা থাগী ওর্বিট লান্থোক্ননবা য়াম্না অয়াঙবা খোঙজেলদা পাইদুনা লৈরি হায়না নাসাগী সাইন্টিষ্ট শিংনা ফোঙদোকখ্রে। অহানবগী এষ্টেরোইদ অসীদি ফুট ১১০ গী দাইমেটর পাক-চাউগনি, অপীকপা এরোপ্লেন অমগা চাউবা মান্নগনি হায়রি। এষ্টেরোইদ অসীদি ২০২৪ টিবি ২ হায়না খঙনরি। এষ্টেরোইদ অসিনা ওক্তোবর থা অসীগী ২৬ তা প্রীথীবীদগী মাইল ৭৩১,০০০ লাপ্না লৈরিবা মফমদা পাইদুনা চৎখি হায়রি।

মসীনা করিগুম্বা মালেম অসীগী লৈমায়দা তাশিল্লক্তুনা থোমজিল্লম্বা তারবদি, মদুগী ইমপেক্ট শিংদু ৱাখলনা লাম্বদা য়াম্না খুদোংথীনিঙাই ওইরি হায়না নাসানা ফোঙদোকখি। প্রিথীবী মনাক্তা নক্না পাইবা মরম্না এষ্টেরোইদ অসীগী মরমদা সাইন্টিষ্ট শিংনা মসীগী ষ্ট্রকচর, কম্পোজিসন্নচিংবগী মরমদা মরীক চূম্না থিজিনবা ঙম্লগনি হায়রি। এষ্টেরোইদ ২০০৭য়ুটি- ৩ হায়না খঙনরবা অঙকপা এষ্টেরোইদ অমসু প্রিথীবী মনাক্তা পাইশিল্লকখি। ফুট ৭৩ গী দাইমেটর না কোনবা অচৌবা মখলনি। মসিসু ওক্তোবর ২৬ তা প্রিথীবীদগী মাইল মিল্লিয়ন ৪.২ লাপ্না পাইদুনা চৎখ্রে। টি বি ২ দৌনা মসিসু খুদোংথীনিঙাই য়াম্না ওই অদুবু প্রীথীবীগী ওর্বিট লান্থোকখ্রে হায়রি।

এষ্টেরোইদ ২০২০ দব্লিয়ু জি অসীদি ফুট ৫০০গী দাইমেটর পাক চাউরি। মসিদি ওক্তোবর ২৮ দা পাইশিল্লক্কদবনি হায়রি। নাসাগী সাইন্টিষ্ট শিংনা মসীগী মতাঙদা কূপ্না য়েংশিনবগা লোয়ননা মতূংগী লৌশিং খোমজীলহৌনবা হোৎনরি হায়রি।এজেন্সি অসীগী জেট প্রোপলসন লেবোরেটরিনা অতিয়াগী ওবজেক্ট শিং অসীদগী ঙাকথোক্নবা অমসুং মতূং তারকপা মতমগী লৌশিং খোমজীলহৌনবা অকনবা থবক- থৌরমশিং লৌখৎপা হৌখ্রে