ঙরাং মশক খঙদবা মীওই অনী চঙলক্লগা শীঙজমৈ ওইনাম থিঙেল লাইরেম্বী মনীংদা লৈবা, ইম্ফাল ম্যুনিসিপাল কোরপোরেসন ( আই এম সি) গী মেয়র ওইনা লৈরিবা লাইশাংবম লোকেশ্বরগী য়ূমগী মাঙ্গোলদা হায় এক্সপ্লোসিব ৩৬ হেন্দ গ্ৰেনেদ অমা থমজিল্লম্লে। বোম অদূ অমুবা মচুগি প্লাষ্টিক খাউ অমনা য়োমশীল্লগা থম্লম্বনি হায়রি।
বোম থমজিল্লম্বগী পাউ অদু হেক ফংবগা শীংজমৈ পুলিস ষ্টেসনগী পুলিস টিম অমা মফম অদুদা চঙশীল্লক্লগা ফীভমদু য়েংশিনখি। বোম অদূ পায়খৎলুবদা খুদোংথীনীঙায় ওইবা মরম্না মনিপুর পুলিসকি বোম দিটেক্সন এন্দ দিসপোজেল স্কৱাদ টিম কৌরবা মতূংদা অশোয়- অঙাম অমত্তা য়াওহন্দনা দিফ্যুজ তৌখি।
শকখঙদবশিংনা মনিপুরগী লুরবা তাঞ্জা অসিদা মীরক্তা বোম থমজিন্দুনা অকি-অখঙ থোকহল্লম্বা থৌওং অদূবু কন্না য়ানীংদবা ফোঙদোক্লদুনা, পেন্নদবা লৈবা কয়ামরুম য়াওরবসু নীংথীনা ফম্মিন্নরগা ৱাখল তাম্মিন্নবা য়াই, মীয়াম্না কুকি- মিলিটেন্ট শিংগী হীংশাগী ঈরাং মায়োক্নদুনা অৱাবা খুদোংচাদবা কয়া মায়োক্নদুনা হা-কার লাউনরিঙৈ চৈরকশিদা অসীগুম্বা থৌওং চত্থদুনা ঈ মশেল মরক্তা অকি-অখং থোকহনবনা করিগুম্বা সোল্যুসন অমত্তা পুরকপা ঙম্লোই হায়না লোকেশ্বরগী লোয়নবী লাইশাংবম ওংবি বিদ্যারানিনা পেন্দবা ফোঙদোকখি।থৌদোক অদূগী মতাংদা শীংজমৈ পুলিসনা কেস অমা রেজিষ্টর তৌদুনা থিজিনবা হৌখ্রে।