মালেম পূম্বগী ওইনা চহী অসীদা পালন তৌনরিবা ৭৬ শুবা বন মহোটসব- ২০২৫ গা মরী লৈননা উমং-ৱামং কন্ননবা অমসুং তুংকোইনা য়োকখত্তুনা থম্নবগী ৱাখল্লোন্দা ইম্ফাল ইষ্ট দিষ্ট্রিক্ট কি মনূঙচন্না লৈরিবা য়াইঙংপোকপী বজারদা লৈরিবা মীওইশিংদা তোঙান- তোঙানবা মখলগী কান্নরবা উ চারা কয়ামরুম য়েন্থোকখ্রে।
মহৈ চাবা য়াবা উ চারাশিং, কা হেন্না চাউবা উ মখলশিং অমসুং হীদাক কান্নরবা উ চারা মখল কয়া য়েন্থোকখিবা অদুদা মনিপুর লৈঙাক্কি ফোরেষ্ট দিপার্টমেন্ট কি সোইল এন্দ ৱাটর কঞ্জার্বেসন দিভিজন নম্বর- ১গী ওফিসিয়েলশিং শরুক য়াখি।
মী অমনা য়ামদ্রবদা উ চারা অমা থাবা, উপাল-ৱাপাল কনগদবনি, ঐখোয়গী মনিপুর কন্ননবা থৌরাং লৌখৎলকপদা নহাক্কিসু খূৎ তিংথোকপীরক্তুনা মরুওইবা থৌদাং অমা লৌবিয়ু হায়বা থিমদা উ চারাশিং য়েন্থোকপগী থৌরমদু পাঙথোকখিবনি।থৌরমদুদা রেঞ্জ ফোরেষ্ট ওফিসার গিটচন্দ্র অঙোম, দিভিজনেল ফোরেষ্ট ওফিসার এম ৱুংরিন লান্সিং অমসুং ফোরেষ্ট দিপার্টমেন্ট কি মরুওইবা ওফিসিয়েলশিং শরুক য়াখি।
মালেম অসিদা হৌখিবা চহী ২০/৩০ গী মতমসিদা ঈশীং-নুংশিৎকি, নোংজু-নুংশা খল কায়থরক্তুনা মতম চাদনা নোং য়াম্না চুবা, মথোঙ-মরম চাদনা ঈকং মায়োক্নরকপা, চীঙ নীঙখায়রকপা, ঈচাওগী খুদোংচাদবশিং ঙাইহাক লৈতনা মায়োক্নরকপগী ফীভম কয়া উরিবা অসী ঐখোয়না উমং-ৱামং কোকথোক্লুবগী মহয়নি। মরম অদুনা উমং য়োকখৎপদা মতেং পাংশিনবা হায়বা পান্দমদা উ চারাশিং অদূ মীয়ামদা য়েন্থোকপনি হায়না গিটচন্দ্র অঙোমনা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে