উত্তরখন্দদা চত্থবা হৌখ্রবা লৈবাক অসিগী ৩৮ শুবা নেস্নেল গেমসকি অহানবা ট্রাইথলোন ইভেন্টতা মনিপুরগী নূপাগী টিম্না থা অসীগী ২৭ তা সনাগী মেদল অমগা সিলভর মেদল অমগা পূন্না মেদল অনী ফংদুনা গেমস অসীগী মেদল টেল্লিদা মনিপুরগী এক্কাউন্ট হাংদোকপা ঙমখ্রে।
ষ্টেট অদুদা লৈরিবা ইন্দিরা গান্ধী ইন্টর্নেস্নেল স্পোর্টস কমপ্লেক্সতা অহানবা ওইনা হৌদোকখিবা নূপা অমসুং নূপীগী ট্রাইথলোন ইভেন্ট তা মনিপুরগী নূপাগী টিম্না গোল্ড মেডেল অমগা সিলভর মেদল অমগা পূন্না মেদল অনী ফংদুনা গেমস অসিদা মনিপুরগী মেদল টেল্লি হাংদোকপা ঙমখিবনি। ট্রাইথলোন ইভেন্ট অদুদা মনিপুরগী নূপাগী টিমদা শরুক য়াখিবা শান্নরোয় শারুংবম অথৌবনা অপূনবা মতম পূঙ ১.০১.০১ দা মপূংফানা লোইবা ঙমদুনা গোল্ড মেদল লৌবা ঙমখি।
মথঙদা টিম অসীগী তেলহৈবা শোরাম্না পূং ১.০২.১০ দা শান্নবা লোইবা ঙমদুনা সিলভর মেদল অমগা লৌদুনা মনিপুরগী মেদল এক্কাউন্ট হাংদোকপা ঙমখিবনি হায়রি। নাকল অমরোমদা ইভেন্ট অসীগী ওইনা মনিপুরগী নূপী টিমদি তরেৎশুবা তাখ্রে। নূপাগী ট্রাইথলোন ইভেন্ট অসীগী টিম মেনেজর ওইনা মনিপুরগী টিম লুচিংলিবা লাইতোঞ্জম ভিবেকানন্দ না অপেনবা অমসুং হরাওবা ফোঙদোক্লদুনা হন্দক্কি গেমস অসীগী অতৈ ইভেন্ট শিংদসু মনিপুরগী শান্নরোয়শিংনা নীংথিনা অহেনবা পারফোর্মেন্স পীদুনা গেমস অসীগী চেম্পিয়ন ওইবা ঙমগনি হায়বগী থাজবা লৈরি হায়না ফোঙদোকখি।
You may also like
-
অসাম রাইফলসনা পল্লেলদা ঈ দান তৌখ্রে
-
প্লাষ্টিক্কি পোৎলমশিং থিংবগী খোঙজঙ হেন্না কন্সীল্লগনি: দি সি সুভাস
-
ৱক্ফ এমেন্দমেন্ট এক্টকি মায়োক্তা নেস্নেল কনফরেন্স না ৱাকৎ-চেরোল থাঙ্গৎকদৌরি
-
মোরেগী দুকানশিংদা রেইদ চত্থবদা য়াম্লবা য়ুঙাঙ, য়ুঙৌশিং ফাগৎপা ঙমখ্রে
-
মনিপুর পুলিস য়াওবা কম্বাইন সেক্যুরিটি ফোর্স পার্সনেলশিংনা কে সি পি (পি দব্লিয়ু জি) গী এক্তিব কাদর অমা ফাগৎপা ঙমখ্রে