মনিপুর কৌবি ঈরমদম অসী য়েলহৌমী ৩৬ না পূন্না ঙাকমিন্নদুনা ঙসীফাওবা মসীগী শক্তম কায়হন্দনা লৈরক্লিবনি। নাগা কুকি,মৈতৈ অমসুং মৈতৈ-পাঙলশিংনা ঈমা লৈবাক অসীগীদমক থৱায়না পোন্থা পীদুনা লাক্লিবনি।ঐখোয় মশেল খাইদোক্নবা কৈদৌনুংদা য়াররোইদবনি হায়না চিফ মিনিষ্টর য়ূম্নাম খেমচান্দনা ফোঙদোকখ্রে।
জষ্টিস কম্মিটি ওন এঙ্গলো-মনিপুরি ৱার ১৮৯১ মার্টর্স এন্দ ফ্রীদম ফায়টর্স ওফ কংলৈপাক না শীন্দুনা “কম্মেম্মোরেসন ওফ কংলা এত্তেক” হায়বা থৌরম অমা ঙরাং ইম্ফালগী বির টিকেন্দ্রজিৎ রোদতা লৈবা অথৌবশিংগী খুভমদা পাঙথোকখিবদা শরূক য়ারদুনা চিফ মিনিষ্টরনা ৱাফম অসী ফোঙদোকখিবনি। বি টি পার্কতা লৈরিবা, এঙ্গলো-মনিপুরি ৱার মতমদা ব্রিটিশনা মনিপুরদগী লোই থাখিবা ঐখোয়গী অথৌবা ঈপা-ঈপূশিং অদূগী নীংশিং খুভমদা পাঙথোকখিবা থৌরমদুদা অথোয়বা মীথূঙলেন ওইনা শরূক য়াখিবা চিফ মিনিষ্টরনা হায়, মনিপুর অসী কাঙলূপ নত্রগা ফূরূপ অমখক্তগী নত্তে।
লমদমসিদা য়েলহৌঙৈদগী লৈমিন্নরক্তুনা অৱা-নুঙাই অনীমক্তা শরূক য়ামিন্নরক্লবা ঈরৈচা ফূরুপ ৩৬ অসীগী অপূনবা ঈরমদম্নি।মনিপুরবু মচেৎ তাহন্ননবা চত্থরকপা থৌওং পূম্নমক ফূরূপ ৩৬ অসীনা অমত্তা ওইনা থেংনদুনা লাক্লি, মতূঙদসু থেংনখিগনি, মায় পাকহল্লোই হায়বা ৱাফম চিফ মিনিষ্টরনা থমখি।
You may also like
-
নাগা কুকি অনীগী উংখৎনবা হেঙ্গৎলক্লে, নাকল অনীগী মীওই অহূম শোক্লে, লাইসেন্স নোংমৈ পীখৎলক্নবা ওর্দর থোকখ্রে
-
চেতক স্ক্রিন এৱার্দস সিরেমোনিগী নোমিনেসন লিষ্ট ফোঙদোরকখ্রে
-
হোম মিনিষ্টর উনরুনবা চিফ মিনিষ্টর য়ূম্নাম খেমচান্দ ইম্ফাল থাদোকখ্রে
-
মনিপুরদা থোক্লিবা হীঙশা অসী লোইশিন্নবা সেন্টর লৈঙাক্না লৌফম থোকপা মথৌদাং লৌদ্রি: বিমোল অকোয়জম
-
কে জেট সিগী চ্যেরমেন থাংলেটকি য়ূমদা মীয়াম্না এত্তেক চত্থরকখ্রে