বিষ্ণুপুর দিষ্ট্রিক্টকি মোইরাংদা লৈরিবা ত্রোংলাউবি অৱাং লৈকায়দা ঙরাং নোঙাল্লমদাইদা বোম অমদি নোংমৈনা অকনবা মওংদা এত্তেক তৌদুনা, মশাগী ময়ূমদা তূমদুনা লৈজরিবা, য়াম্না পীক্লিবা অঙাং অনী হাৎখিবা অমসুং মখোয়গী অপোকপী মমাবু শোকহনখিবা অদুদা চেন্নরিবা মীহাৎপশিং শোয়দনা ফাগনি লোয়ননা লৈবাক অসীদা আইন চৎনরি হায়বদু খঙহন্ননবা আইনগী অকনবা চৈরাক পীহনগনি হায়না মনিপুরগী চীফ মিনিস্তর য়ূম্নাম খেমচান্দনা ফোঙদোকখ্রে।
মতম শাংনা মনিপুরদা হীঙশাগী ঈরাঙ লৈরুরবগী চৈরক্তা পি আর লৈঙাক থমজিল্লুরবা মতূঙ, ঙসীনা মীয়ামগী অনৌবা লৈঙাক অমা লৈরক্তুনা হৌখিবা থা অনীরোমগী মতমসিদা ঈং-তপ্পা, মহৌশাগী শক্তম তপ্না-তপ্না হঞ্জিল্লক্তুনা মীয়ামগী চাওখৎ-থৌরাংশিং পায়খৎপা হৌরক্লবা মতমসিদা মনিপুরদা শান্তি অমদি ঈং-তপ্পা ফীভম অসী লৈহনবা পামদবা, খুনাইগী য়েক্নবা মীওই খূজোক অমখক্না অসীগুম্বা মীয়ামগী শান্তি ওইনা হিংবা পুন্সি মরেল অসীদা খাঙবা ঙম্লক্তবদগী থওইনা তৌগে হায়বা অমা য়াওনা চত্থরকপা থৌওং অমা ওইগনি হায়না খেমচান্দ না ফোঙদোকখি।
অসীগুম্বা ফত্তবা মীওইশিং অসীগী চন্নফম অমত্তা খুন্নাই অসীদা লৈহল্লোই। থৌদোক অসী নেস্নেল ইনভেষ্টিগেসন এজেন্সি (এন আই এ) দা থিগৎহল্লগনি হায়না চিফ মিনিষ্টরনা অকনবা ৱাফম ফোঙদোকখি।
You may also like
-
কোকোমিনা লুচিংবা মীয়াম্না চিফ মিনিষ্টর বাংলোদা থোমজীল্লকপদা এস এফকা মূক্নখ্রে
-
সি এম্না চ্যের লৌদুনা য়ুনিফাইদ কম্মান্দগী মীফম পাঙথোকখ্রে, য়ুকেএনএ গী কাদর ৩ ফাগৎখ্রে
-
বাংলাদেশতা পাঙথোকপা লাই হরাওবা থৌরমদা মনিপুরগী টিম অমা শরুক য়ারি
-
বোম থমজিল্লম্বগী মায়োক্তা মীয়াম্না ৱাকৎ -মীফম পাঙথোক্তুনা য়ানীংদবা ফোঙদোকখ্রে
-
মৈতৈ-পাঙলগী সি এস ওশিংনা মিনুথোং হত্তাগী লম্বী থিংদুনা ট্রোংলাউবী থৌদোকপু কন্না য়ানিংদবা ঊৎখ্রে