ভারত শিনবা থুংনা স্কিল লৈরবা মীওই ৩,০০০বু থবক পীবগী পান্দমদা কর্মায়োগী রিক্রুৎমেন্ত দ্রাইবকী থৌরাং লাউথোকখ্রে

গ্লোবেল কোংগ্লোমরেৎ অমা ওইরিবা ত্রাইদেন্ত গ্রুপনা ভারত শিনবা থুংনা স্কিল লৈরবা মীওই ৩,০০০বু থবক পীবগী পান্দমদা কর্মায়োগী রিক্রুৎমেন্ত দ্রাইবকী থৌরাং লাউথোকখ্রে। মসিগী খোঙথাং অসিনা ত্রাইদেন্ত গ্রুপকী ইনক্লুসিব, এম্পাৱরিং কম্ম্যুনিতী অমা শেমগৎনবা অমসুং লৈবাক অসিগী সোসিও-ইকোনোমিক দিবেলপমেন্তদা মতেং পাংনবা অচেৎপা ফিরেপ অদু উৎলি। নুপী এপ্লিকেন্তশিং অমসুং স্পোর্তস বেকগ্রাউন্দদগী লাকপা কেন্দিদেৎশিং মরু ওইনা লৌবগা লোয়ননা দ্রাইব অসি মধ্য প্রদেশ (বুধনি) অমসুং পঞ্জাব (ধৌলা অমসুং সংঘেরা) দা মীৎয়েং থমগনি। মসিদা মীওই ৩,০০০+দা থবক পীদুনা, ত্রাইদেন্ত গ্রুপনা ইমুংগী মীওই ১৫,০০০গী মথক্তা ইন্দাইরেক্ত ওইনা কান্নবা ফংহল্লগনি। মসিনা লোকেল ইকোনোমীশিং হেনগৎহল্লগনি, পুন্সি মহিং ফগৎহল্লগনি, অমসুং নেস্নেল জি.দি.পি.দা কন্ত্রিব্যুৎ তৌরগনি। মসিগী খোঙথাং অসিনা স্কিল দিবেলপমেন্তসু পুক্নিং থৌগৎকনি, নুপী মেম্বরশিংবু মপাঙ্গল কনখৎহল্লগনি অমসুং মমল য়াম্লবা তেক্স রেভেন্যু পুথোক্কনি।

রিক্রুৎমেন্ত দ্রাইব অসিগী মতাংদা, সি.ঐচ.আর.ও. ত্রাইদেন্ত গ্রুপকী পুজা লুথ্রানা হায়খি, “কর্মায়োগী রিক্রুৎমেন্ত দ্রাইব অসি ঐখোয়না থবক তৌরিবা কম্ম্যুনিতীশিংদা পোজিতিব ওইবা ইম্পেক্ত পীবগা লোয়ননা মীওই লিশিং কয়াগীদমক কান্নবা থবক ফংহন্নবা ঐখোয়গী ভিজনগা চুনৈ। মসিগী খোঙথাং অসিনা ঐখোয়গী ৱার্কফোর্সবু মপাঙ্গল কনখৎহনবতা নত্তনা মীপুম খুদিংমকপু মপাঙ্গল কনখৎহন্দুনা চাউখৎনবা খুদোংচাবা পীদুনা ভিকসিৎ ভারতকী মায়কৈদা লৈবাক শেমগৎপদসু মতেং পাংলি।”

রিক্রুৎমেন্ত প্রোসেস অসিদা ওনলাইন রেজিস্ত্রেসন, এপ্লিকেসন সবমিসন, ওফলাইন এসেসমেন্ত অমসুং স্কিল ইভালুএসন য়াওগনি। মায় পাক্লবা কেন্দিদেৎশিংনা ত্রাইদেন্ত গ্রুপকী তোঙান-তোঙানবা দিপার্তমেন্তশিং, ওপরেসন, ইঞ্জিনীয়রিং, মেনতেনেন্স, অমসুং এদমিনিস্ত্রেসন য়াওনা য়াওরগনি। পোজিসনশিং অসিদা পুং ৮গী ৱার্কদেগীদমক থা অমদা লুপা ৫০,০০০দগী হৌবা তোলোপ পীগনি। মসিনা মতিক চাবা খুশুমল ফংহন্দুনা থবক অমসুং পুন্সিগী মরক্তা হেন্না ফবা বেলেন্স অমা লৈহল্লগনি। রিক্রুৎমেন্ত দ্রাইব অসিগা লোয়ননা, ত্রাইদেন্ত গ্রুপনা শেবা তৌরিবা কম্ম্যুনিতীশিংদা পোজিতিব ওইবা ইম্পেক্ত অমা পীনবগীদমক মাগী দেদিকেসন অদু অমুক্কা হন্না ফোংদোক্লি।