থৌবাল দিষ্ট্রিক্ট হোস্পিটালদা য়াম্না অথূবা মতমদা কেন্সরখক্তগী লায়েংনবা হোস্পিটাল অমসু হাপকৎপগা লোয়ননা দিষ্ট্রিক্ট হোস্পিটাল অসী মেদিকেল কল্লেজ অমা ওইনা অপগ্ৰেদ তৌরগনি হায়না ষ্টেট লৈঙাক্কি মেদিকেল এন্দ হেল্থকি দিরেক্তর ওইনা লৈরিবা দা. চম্বো গোনমৈনা ফোঙদোকখ্রে।
ইন্দিয়ান মেদিকেল এসোসিয়েসন সাউথ ইষ্ট মনিপুর ( ইমাসেম) গী অহুমশুবা ফাউন্দেসন থৌরম পাঙথোকপগা লোয়ননা কম্যুনিকেটিং দি কম্যুনিকেবল দিজিজেস হায়বা হীরমদা কন্টিন্যুইং মেদিকেল ইদুকেসন হায়বা থৌরম পাঙথোকপদা মহাক্না ৱাফম অসী ফোঙদোকখিবনি। মহাক্না হায়, প্রাইম মিনিষ্টর্স দেভলপমেন্ট ইনিসিয়েটিব ফোর নোরথ ইষ্ট রিজন (পি এম-দিভাইন) গী মখাদা ঊখ্রুল, সেনাপটি, তমেংলোং, চান্দেল অমসুং জিরিবাম- দিষ্ট্রিক্ট মঙা অসীদা সুপর-স্পেসিয়েলিটি ব্লোক অমসুং নন-কম্যুনিকেবল দিজিজেস ( এন সি দি) ব্লোকশিং অথূবা মতমদা শাননবা থৌরাং তৌরি। মসী পায়খৎলক্লবদি মনিপুরনা হেল্থ ক্যের অমসুং মেদিকেল ফেসিলিটিদা ইন্দিয়াগী অতৈ ষ্টেটশিংদগী শোত্থবা করিমত্তা লৈররোই হায়খি।
চান্দেল,থৌবাল, বিষ্ণুপুর, নোনে, ঊখ্রুলদা ব্লদ বেঙ্কশিং শেমগৎ-শাগৎপগী থবকশিং খূমাঙ য়াঙনা চঙশীল্লক্লি। ট্রোমা ক্যের সেন্টরশিংসু চপ মান্ননা মফমশিং অসীদা শাগৎপা হৌখ্রে। নূঙবাগী ওইনদি য়াম্না অথূবা মতমদা শঙ্গারগনি হায়নসু দা. চম্বোনা মীয়ামদা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে