ফাওন্দেসন ফোর রুরেল অর্বান দেভলপমেন্ট মনিপুরগী প্রসিদেন্ট এল তোম্বগী লূচিং মখাদা ফাওন্দেসন অসীনা লীশাং শীৎনা চত্থরক্লিবা মীয়ামগী য়াইফনবা থবক থৌরমশিং অমসুং লৈতা-লায়রবশিংদা খুদোংচাবা পীবগী থৌরাং মখা চত্থরকপা ওইনা ইম্ফাল ইষ্ট দিষ্ট্রিক্ট হেদক্বার্টরগী ময়োলমক্তদা লৈরিবা দিষ্ট্রিক্ট অসীগী এস পি ওফিস মমাঙগী লম্বীদা লৈঙাক্না মতম কুইনা মীৎয়েং চঙবীদনা লাকপদগী পোটহোলশিংনা খূরক হাংদনা লৈবদগী মীয়াম্না চত্থোক-চৎশীন তৌবদা খুদোং চাদ্রবা লম্বী পরীং অসীদা নূঙ- লৈঙোয় হাপচীন্দুনা শেমজীন- শাজিনবগী থবক চত্থখ্রে।
মীয়াম্না চৎনরিবা লম্বী শেমজীনবা,মীয়ামগী চত্থোক- চৎশীন তৌবদা নুঙাইহনবা হায়বসিদগী হেন্না মগুন লৈবা ধর্মা অমত্তা লৈরোই। লৈঙাক্না শেমজরক্কনি, ঈশাগী ঈথৌ নত্তে, ৱারবসু মীয়ামগীনি,ঈশা ইতোমতগী নত্তে হায়দুনা ঐখোয়না তূমিন্না য়েংদুনা লৈথোকপগী মহুত্তা ইনাক-কৈরাক খুনবা, মশাগী শেন্থোক মরাং কায়না লৈজবা খুন্নাইগী মীওইশিং, সার্কল এম এল এ শিং অমসুং লৈকায়গী মচীন তোঙবশিংনা মীয়ামগী খল্লগা মশাগী মরন্নাই পোকেত্তগী অঙম্বা শেনফম খরা-খরা পুথোরক্লগা মীয়ামগী মতেং পাংবগী হৈনবী থমশি।
অসূম্না তৌরবদি লৈবাকমচা তাবা, শান্তি লৈবা, চাওখৎপা খুন্নাই অমা পুরকপা ঙমগনি হায়না তোম্বনা ফোঙদোকখি। মখা তারকপা মতমদসু মনিপুরগী মফম কয়াদা লৈরিবা ফত্রবা লম্বীশিং শেমজীন শাজিনবগী থবক চত্থ খিগনি, লৈঙাক্কি মতেংখক ঙাইরগা লৈথোক্লোই হায়না তোম্বনা ফোঙদোরক্লি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে