মনিপুর য়ুনিভর্সিতিদা লৈবা কেমিষ্ট্রি দিপার্টমেন্টগী সেমিনার হোলদা থা অমা চুপ্না চত্থগদবা রিয়েলাইজেসন মন্থ ঙরাং হৌদোকখ্রে।
থৌরম অসী লাক্লিবা এপ্রিল ১৭ ফাওবা পাঙথোক্কনি হায়রি।হন্দক্কি অসিনা চহী খূদীঙগী পাঙথোক্তুনা লাক্লিবা থৌরম অসীগী ৪৬ লক শুবনি।থৌরমদূ হৌদোকপদা এমসূগী প্রসিদেন্ট লুক্রাম মালংবা, এম য়ূগী স্কুল ওফ সাইন্সকি দিন প্রোফেসার এল মোহিলাল, শক্নায়রবা দেমোগ্ৰাফর প্রোফেসার কে নরেন্দ্র,য়ূ সি এমগী প্রেসিদেন্ট ৱাই কে ধীরেন, নেসোগী এসিষ্টেন্ট জেনরেল সেক্রেটরি দব্লিয়ু সনাতোম্বা মৈতৈ,মুসুগী লিটরেরি এন্দ পব্লিসিটি সেক্রেটরি সরাংথেম সিদানন্দনচিংবা মীওইশিং শরুক য়াখি।
থৌরম হৌদোকখিবা অদূদা এমসুগী প্রসিদেন্ট লুক্রাম মালংবনা হায়, কুমশিং ১৯৮০ দা মনিপুরদগী মীতোপ হলহনখিগদবনি হায়বা ঈহৌদা পোৎশঙবম প্রেমানন্দ অমদি হুইদ্রোম লোকেন কৌবা মহৈরোয় অনী থৱায়না পোন্থা পীখি।মদূগী মতূঙ কুমশিং ১৯৮০ অমদি ১৯৯৪ দা তাঙ্কক অনীরক থোক্না মীতোপশিং মরমদমদা হলহনখিনবগী মতাঙদা লৈঙাক্কা ৱারী শান্নখ্রবসু থবক্তা ওন্থোক্তনা লৈরকখিবদগী হৌখিবা কুমশিং ২০২৩ দা কাঙলূপকি ঈরাং হৌরকখিবনি। মীতোপ কনা কনানো হায়বা ঙসীদি খঙদোক্তুনা হলহনখ্রবা মতূঙদা সেন্সস পাঙথোকহনগদবনি হায়বা মীয়ামগী ঈহৌ অসী ঐখোয়না মপূঙফানা শৌগৎমিন্নরসি হায়না মালংবনা মখা তাখি।
You may also like
-
টেরোরিজমগী থবক কয়ামরুম চত্থনবা হোৎনরম্বা য়ুক্রেন অমসুং অমেরিকা মচাশিং এন আই এনা ফারে
-
অর্বান লোকেল বোদী ইলেক্সন অথূবদা পাঙথোক্লগনি:চিফ মিনিষ্টর
-
ফাউন্দেসন লিটরেসি এন্দ ন্যুমরেসি এসেসমেন্ট টেষ্ট পাঙথোকখ্রে
-
কানিগা কোন্ননা ফারে
-
সেন্সস য়ৈথোক্ননবা মীয়াম্না এসেমব্লীদা থোমজীল্লকপদা পুলিসকা চাউনা উংখৎনখ্রে