হৌখিবা কুমশিং ২০২৩ গী মে অহুমদগী চিন-কুকি নার্কো টেরোরিষ্ট শিংনা লুচিংলগা মনিপুরগী য়েলহোমী কাঙলূপ অমা ওইরিবা মৈতৈ ফূরূপকি মথক্তা চত্থরক্লিবা হীঙশা অসী লোইশিন্ননবা লৈঙাক অমসুং অতৈ সিভিল সোসাইটি ওরগনাইজেসন কয়ানা কন্না হোৎনরিঙৈ চৈরকশিদা কাঙলূপ মশেল মরক্তা নুংশিনদনবা অমসুং তোখাই তাবগী ৱারোল ফোঙদোক্তুনা থেৎলম্বা পোষ্টর অনী সেক্যুরিটি ফোর্সনা লৌথোক্ল গা শেগায়দুনা মাঙহনখ্রে।
মৈতৈশিংগা পূন্না খুন্দামিন্নরগা লৈমিন্নগনি হায়না নখোয়না খল্লবদি মদূ নশাগী অপঙবদু ঊত্থোকচরবনি হায়না ফোঙদোক্তুনা ইবা পোষ্টর অনীদু চুরাচান্দপুর দিষ্ট্রিক্টকি তুইবোং মিনি সেক্রেটরিয়েট মনাক্তা অমা, অদূগা অতোপ্পা পোষ্টর অমনা তুইবোং ট্রাফিক পোইন্ট তা শকখঙদবশিংনা থেৎলম্বনি। “ইফ য়ু বিলিব য়ু কেন কো- এগজিষ্ট ৱিথ মৈতৈ, য়ু আর এ ভেরি স্পেসিয়েল কাইন্দ ওফ স্তূপিদ”, হায়না ইবা পোষ্টর অনিদু সেক্যুরিটি ফোর্স না লৌথোক্লগা শেগায়দুনা মাঙহনখ্রে হায়রি।
থৌদোক অসীদা চেন্নবশিং ফাগৎপা অমসুং এফ আই আরনচিংবা লৌখৎপগী ৱাফমদি হৌজিকফাওবগী ওইনা লৈত্রি হায়রি। পোষ্টর অনিদু কনানা থেৎচীল্লম্লিবনো হায়বগী মতাঙদা কনাগুম্বা লন্নাই মীওই নত্রগা লূপ অমত্তনা ক্লেইম তৌরকপসু লৈত্রি। থৌদোক অসীনা মরম ওইরগা চুরাচান্দপুর দিষ্ট্রিক্টকি মফম অয়াম্বদা হৌজিক অনৌবা ঈরাঙ থোক্লকপা য়ানা লৈরে। মফম অয়াম্বদা এলার্ট লৈরে হায়রি।
You may also like
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি
-
লৈখিদ্রবা বোনেট কোন্সমগী লোয়নবীদা এল এম জিনা শেলগী তেঙবাং পীখ্রে
-
মেদল ফোর মেরিটোরিয়স সার্বিস এৱার্দ পীননবা পুলিস পার্সনেলশিং লৈবাক অসীগী ওইনা খনগৎলকপদা মনিপুরদগী ৮ য়াওরক্লে
-
হয়ার সেকেন্দরি লেকচররশিংগী পেনদাউন ষ্ট্রাইক লৈঙাক্কা য়ানবা পুরকপদগী হন্দোকখ্রে
-
প্লাষ্টিক পোল্যুসন্না মীওইবদা পীরক্লিবা তমথিরবা চৈথেং অসীদগী ঙাকথোক্নবা মতম চানা হোৎনহৌবা মথৌ তারে: সোমোর্জিৎ