চহী চাম্মগী মনূঙদা অমুক্তং থোকপা সোলার ইক্লিপস লাক্লিবা আগষ্ট ২ দা মালেমগী মীয়াম্না উবা ফংগদৌরি

মালেম তাইবংপাল অসীদা মীওইবা কৌবা থৱায় পানবা জিবা অসীনা হিংদুনা লৈরকপদা খঙলকপগী মতূঙ ইন্না চহী চাম্মা খূদীঙগী অমুক অমুক্তং উবা ফংবা সুর্যগ্ৰহন হায়বদি নুমিৎকি গ্ৰহন, অদুগা মালেম অসীগী মীয়াম্না সোলার ইক্লিপস হায়না খঙনরিবা গ্ৰহন মখল অদূ চৎলিবা চহীচা অসীগী ওইনা লাক্লিবা আগষ্ট থাগী চৈচৎ ২ দা মালেমগী মীয়াম্না উবা ফংলগনি হায়রি। হৌজিক ফাওবদা মীওইবগী গ্যান- লৌশিংনা খঙবগা লোয়ননা নীংশীঙবা ঙম্বগী থাক ফাওবদা রেকোর্দ তৌদুনা লৈরিবা পুৱারিগী মতূঙ ইন্না অদূঙৈ যিশু খ্রিষ্টনা পোক্ট্রিঙৈ মমাঙগী কুমশিং ৭৪৩ গী জূন ১৫ দা থোকখিবা চহীচা অদূগী অমত্তা ঙায়রবা সোলার ইক্লিপস অদূনা হৌজিক ফাওবগী ওইনা থোকখিবা অসীগুম্বা মখলগী ইক্লিপস শিংগী মনূঙদা খ্বাইদগী মতম শাংনা চত্থখিবা সোলার ইক্লিপস ওইরি।

হায়রিবা নুমিৎ অদুদা থোকখিবা সোলার ইক্লিপস অদূগী অশাংবগী মতম্না মিনিট ৭কা সেকেন্দ ২৮ ওইখি। হন্দক আগস্ট ২ দা থোক্কদৌরিবা সোলার ইক্লিপস অসীগী দ্যুরেসন অসীনা মদূগী হেক মথঙদা খ্বাইদগী মতম শাংনা চত্থবা অনীশুবা ইক্লিপস ওইরগনি অদুগা খ্রিষ্ট না পোকখ্রবা মতূঙগী ওইনদি খ্বাইদগী মতম শাংনা চত্থবা সোলার ইক্লিপস অমা হায়বদু ওইরগনি। মসিগী দ্যুরেসন্না মিনিট ৬কা সেকেন্ড ২৩ ওইগনি হায়রি। ইন্দিয়াগী মতমদা সোলার ইক্লিপস অসী নুমিদাংৱাইরম পূঙ ৩.৩৪ দগী পূঙ ৫.৫৩ ফাওবা চত্থগনি।

থা না মপূঙফানা নুমিৎপু লুমশিন্দুনা লৈরগদবা মরম্না মালেমগী লৈবাক অয়াম্বগী মীয়াম্না নুমিৎপু মপূঙফানা উবা ফংলোইদৌরি। অদূম ওইনমক ইন্দিয়া য়াওনা মালেমগী লৈবাক খরগী ওইনদি মসী মচেৎ-মকাই ওইনা উগনি, মপূঙফানা মমশীনখিবা নুমীৎকি শক্তমদুদি উবা ফংলোই হায়রি।সোমালিয়া, সাউদি আরাবিয়া, খা থংবা স্পেন, নোরথ অমেরিকা, য়েমেন্নচিংবা লৈবাকশিংদদি টোটেল সোলার ইক্লিপস কি শক্তম ময়েক শেংনা উগনি হায়রি।