হৌখিবা চহী তরারোমগী মমাঙদগী চহী খূদিংগী পাঙথোকপা য়াউশং কুমহৈগা মরী লৈননা, মনিপুরগী লৈকায়শিংদা ভলন্টরি য়ূথ ক্লবশিংনা শীন্দূনা য়াউশং স্পোর্টসকি থৌরমশিং হৌদোক্নরি। মসীগী শরূক অমা ওইনা ইম্ফাল ইষ্ট দিষ্ট্রিক্টকি মনূঙচন্না লৈরিবা ফৈজালৈতোঙ থোংজু পার্ট-২ দা লৈবা ষ্টূদেন্টস ৱেলফ্যের কম্মিটিনা শীন্দূনা হৌদোকপা স্পোর্তস থৌরমগীদমক য়াইফা-থৌনি থৌরম অমা ঙরাং পাঙথোকখি।
লৈকায়গী নূপীশিংনা শেংলবা কংলাগী লাইফম্লেনদগী মৈরা লৌদুনা স্পোর্টসকি থৌরম অদূ হৌদোকখি। নাকল অমরোমদা, ওল মনিপুর ৱার্কিং জর্নেলিষ্ট য়ুনিয়ন (অমজু) নসু চহী খূদিংগী চাং নাইনা পাঙথোক্তুনা লাকপগুম হন্দক্কি চহী অসীগী য়াউশং স্পোর্টস পাঙথোক্নবা কংলাদগী মৈরা লৌদুনা ঙরাং থৌরম হৌদোকখ্রে।
অমজুগী ১৫ রক শুবা য়াউশং স্পোর্টস কি থৌরম অদু হৌদোক্নবগীদমক মৈরা লৌখিবা অদুদা রিম্সকি দিরেক্তর দা. জি সুনিল কুমারনা টোর্স বিয়ারর ওইনা শরূক য়াখি।থৌরম হৌদোকপদা অমজুগী প্রসিদেন্ট আসেম ভক্ত, এদিটর্স গিল্ড মনিপুরগী প্রসিদেন্ট খোগেন্দ্র খোমদ্রাম, সেনিয়র জর্নেলিস্ত ইরেংবম অরুন্নচিংবা মীওই কয়া শরুক য়াখি।
You may also like
-
মেটর্নেল এন্দ চাইল্ডক্যেয়রগী ফীভম ফগৎহন্নবা সি এমনা এম্বুলেন্স ৩৩ মথৌ তৌহনবা হৌখ্রে
-
নৌরিবা অঙাঙশিং খুদোংথীবা থোকহন্দনবা মীৎ-না শিংনা লৈবা মথৌ তাই: দি সি
-
এম পি ৱাই সি সিনা অকনবা খোল্লাউশিংগা লোয়ননা প্রোটেষ্ট তৌখ্রে
-
এগজাম সেন্টরগী অকোয়বদা গার্জিয়ানশিং চয়োম শানা থোমজিন্দুনা লৈবনা মীয়ামদা খুদোংচাদবা থোক্লি
-
এনক্বারি কম্মিসনগী মেম্বরশিংগী শেনফম অমত্তা পীরমদবা থেংনবদা সুপ্রিম কোর্তনা অঙকপা ফোণদোকখ্রে