চুরাচান্দপুরদগী লাঞ্জেন্নরক্তুনা রিলিফ কেম্পশিংদা লৈরিবা ইনমেটশিংনা শাজবা শরফ, দিসৱাস খূদিংমক মেরাগী নোংমা পানবা নুমিত্তা লৈরগনি হায়না পোলিটিকেল এক্তিভিষ্ট সাপমচা কংলৈপালনা ফোঙদোকখ্রে। ইনমেটশিং অসীনা শাজবা পোৎলমশিং অসী লৈঙাক অসীনা অকক্নবা পোলিসি অমা পুথোক্তুনা লৈননবা ঙসিফাওবা থৌরাং অমত্তা লৌখৎপা ঙমদ্রে। লৈঙাক অসী করি তৌরিবনো হায়বা ঙসীফাওবা মীয়াম্না খঙবা ঙমদ্রে। ইনমেটশিং অসি হৌজিক থা তরাতরুকলোম রিলিফ কেম্পশিংদা চাকনি- ফিনিদুনা য়াম্না খুদোংচাদবা থাক অমদা লৈঙাক অসীনা থম্বিরি হায়না মহাক্না পেন্দ বা ফোঙদোকখি।
লৈঙাক অসীনা মখোয়বু মশা মশাগী য়ূমদা হঞ্জিন্ননবা চপ চাবা থৌরাং অমত্তা লৌখৎপা ঙমদবগুম তৌরে। লৈঙাক অসী মরোল থোক্তবা, মনা পঙলবা মচীন মেনশিনখ্রবা অমগুম লৈখ্রে। রিলিফ কেম্পশিংদা লৈরিবা মীয়াম অসিনা নোংমগী চারা তান্ননবা হোৎনবদা লম্বীদা থোক্লক্তুনা চাকনি-ফিনিবগী ফিভমদা, মখোয়না শাজবা পোৎলমশিং অচৎ- অওকশিংদা য়োলহৌনবা হোৎনবদা অৱাবা কয়া মায়োক্নরিবশিং অসী লৈঙাক অসীনা উশিন্নদনা ঙসিফাওবা লৈরি হায়খি।
মখোয়গী মতৌ অসী য়েংবা ঙম্লক্ট্রে। মরম অদুনা লাক্লিবা মেরাগী নোংমা পানবা নুমিত্তগি হৌনা মখোয়গী পোৎলম খূদীংমক লৈননবা থৌরাং লোইরে হায়না কংলৈপালনা মনিপুর প্রেস ক্লবতা পাউমীশিংদা ফোঙদোকখি। অতৈ মফমশিংদগী লাকপা ইনমেটশিংনা শাবা পোৎলমশিংসু মথং-মথং মহাক্না লৌশিল্লগনি হায়না কংলৈপালনা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে