মনিপুরদা হৌখিবা কুমশিং ২০২৩ গী মে অহুমদগী হৌরকখিবা হীঙশাগী ঈরাং অসীগী চৈথেং খ্বায়দগী অকনবা মওংদা মায়োক্নদুনা রেদ জোন অমা ওইনা লৈরিবা বিষ্ণুপুর দিষ্ট্রিক্টকি মনূঙচন্না লৈরিবা কুম্বি কেন্দ্রগী লৌমীশিংদা অফবা মখলগী ফৌদিশিং য়েন্থোকখ্রে।
কুম্বি কেন্দ্র প্রোগ্ৰেসিব ফারমর্স এসোসিয়েশন না শীন্দূনা অহানবগী ওইনা কুম্বি কেন্দ্রগী লৌমী ৫০ দা আর সি এম-১৩ অমসুং আর সি এম-১৫ গী চাথোক লৈরবা ফৌদিশিং য়েন্থোকখিবনি। মনিপুরগী লৈপাক-লৈহাওগা য়াম্না চানরবা ফৌ মখল অদূ ইন্দিয়ান কাউন্সিল ওফ এগ্ৰিকলচরেল রিছার্স ( আই সি এ আর) লম্ফেলপাৎনা পুথোকপনি। ফৌদিশিং য়েন্থোকখিবগী থৌরম অদূ দেমোক্রেটিক পিপলস ফ্রন্ট (দি পি এফ) কি পোলিটিকেল এফ্যের্স এন্দ এক্সটর্নেল জেনরেল সেক্রেটরি এল সনায়ায়না স্পোন্সর তৌবনি।
কুম্বি কেন্দ্র প্রোগ্ৰেসিব ফারমর্স এসোসিয়েশনগী প্রসিদেন্ট সনসম দিনেসনা ফোঙদোরকপা মতূঙ ইন্না, লানগী অকনবা চৈথেঙ মায়োক্নবদগী হৌখিবা চহী অনীরোম লৌ পানবা ঙমদনা লাকখ্রবা কুম্বি কেন্দ্র অসি বিষ্ণুপুর কেন্দ্রদা খ্বায়দগী হেন্না হীঙশাগী অকনবা ঈরাং মায়োক্নরদুনা রেদ জোন অমা ওইনা লৈরক্লি। হন্দক্কি লৌউ-পান্থা অসিদদি চাথোক য়াম্না লৈবা ফৌ মখলশিং অসী কেন্দ্র অসীগী লৌমীশিংদা মরাঙ কায়না ফংহন্ননবা ফারমর্স এসোসিয়েশন অসীনা থৌরাং তৌরি। লেমহৌরিবা লৌমীশিংদসু অথুবা মতমদা ফৌদি মখলশিং অসী য়োন্থোক্নবা হোৎনগনি হায়খি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর