চুরাচান্দপুর অমসুং বিষ্ণুপুর দিষ্ট্রিক্ট অনীগী তাইনবদা লৈরিবা তোর্বূং এরিয়াদগী ঙসীফাওবা লাঞ্জেন্নদুনা, চহী অমা মখায় ফারফাওবা রিলিফ কেম্প শিংদা চঙজফম লৌদূনা লৈরক্লিবা ইনমেটশিং লাক্লিবা চয়োল অমগী মনূংদা মশা-মশাগী য়ূমদা হঞ্জিলহনবা ঙমগনি হায়বগী চপচাবা থাজবা অমা প্রাইম মিনিষ্টর নরেন্দ্র মোদিনা পীরক্তবা তারবদি তোর্বূংদগী লাঞ্জেন্নরক্তুনা লৈরিবা ইনমেটশিং অসীনা অহানবা খোঙথাং অমা ওইনা ন্যু দিল্লিদা চত্তুনা রেল্লি হঙ্গর ষ্ট্রাইক চয়োল অমা চূপ্না চত্থরগনি হায়রি।
ঙসী ইম্ফালদা লৈবা মনিপুর প্রেস ক্লবকি থাংজিং হোলদা পাঙথোকখিবা পিউমীশিংগা উনখিবা থৌরমদা তোর্বূং এরিয়াদগী ঙসীফাওবা লাঞ্জেন্নদুনা লৈরিবা ইনমেটশিং গী মীহূৎ অমা ওইরিবা মোইরাংথেম রোজর মৈতৈনা ৱাফম অসী ফোঙদোরকখিবনি। মহাক্না হায়, তোঙান তোঙানবা রিলিফ কেম্পশিংদা চহী অমা মখায়রোম নোংমগী অয়ূক- নুংদাংগী চাক চরা অনী-অনীখক চারগা পঙলৈ লৈজৌ হায়বগী ফীভমদা মীয়াম অসীবু শা- ঙাগুম নমশীন্দুনা থম্লক্লিবসি মখা তানা খাঙদুনা লৈবা ঙম্লরোই।
লৈঙাক্না ইনমেটশিং অসীদা লূপা লীশিং অমমমগী মতেং পাংলিবনি হায়দুনা থেঙ্খাং মরীরক্তা পীরকখ্রে। মসীনা অসুম পেন্থোক্তুনা লৈরো হায়রিব্রা হায়না মহাক্না ফোঙদোকখি। করিগুম্বা দিল্লিদা চত্থগদৌরিবা হঙ্গর ষ্ট্রাইক অসীদা লৈঙাক্না তাবিরক্ট্রবদি লৈবাক্কি কোনুং ওইরিবা দিল্লিদা ঐখোয় খূদীংমক শিজনবা থৌরাং তৌগনি হায়না মহাক্না মখা তানা ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর