ঐখোয়না খুন্নাই অসীদা লৈরিবা নূপীশিংগী রাইট,দিগনিটি,ইজ্জৎ মপূঙফানা ঈকায়খুম্ননা ইজ্জৎ লৈবা লমদম অমা ওইহন্নবা পূন্না হোৎনমিন্নবগী তঙায়ফদবা লৈ। খুন্নাই অসীদা লৈরিবা নূপা অমসুং নূপী,অহল- অঙাঙ খায়দনা পূন্না ৱাখল তামিন্নবগা লোয়ননা খুন্নাই অসিগী নূপীশিংবু ইজ্জৎ-সন্মানগা লোয়ননা হিংহনবা হায়বসি তঙায়ফদে।নূপীশিংবু ঈকায়খুম্নদ্রবা খুন্নাই অদুদি লৈখা তারক্লিবা খুন্নাই অমনি হায়না মনিপুর হ্যুমেন রাইটস কম্মিসন (এম ঐচ আর সি) গী সেক্রেটরি ঐচ রোবিতানা ফোঙদোকখ্রে।
ইম্ফালগী পেলেস কম্পাউন্দা লৈবা এম ঐচ আর সিগী ওফিসতা চৎলিবা নবেম্বর থা অসীগী ২৫ দা পাঙথোকখিবা ইন্টর্নেস্নেল দে ফোর দি ইলিমিনেসন ওফ ভাইওলেন্স এগেন্স ৱিমেন হায়বা থৌরম অমদা অথোয়বা মীথূঙলেনগী ৱারোল থম্লদুনা রোবিতানা ৱাফম অসী ফোঙদোকখিবনি।থবক শুফম-নোম্ফমশিং,য়ূম,ইন্সটিট্যুসন অমদি খুন্নাইগী তোঙান তোঙানবা মফমশিংদা নূপীশিংগী ইজ্জৎ খোঙ্গাওনবগী থৌদোকশিং ঐখোয়না তাবা,উবা ফংলি।মসী অফবা অমসুং চাওখৎলক্লিবা খুন্নাই অমগী শক্তমদু নত্তে হায়না মহাক্না থমখি।
খুন্নাই অমা কদায়ফাওবা ফীভম ফগৎলক্লবগে,চাওখৎলগে হায়বসি য়েংগে হায়রবদি খুন্নাই অদূদা লৈরিবা নূপীশিংগী হিংবগী অমসুং ইজ্জৎকি থাক অদূ য়েংলগা খঙলিবনি হায়না রোবিতানা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে