দাক্তরশিংনা অনাবা মীওইশিং লায়েংবগী মরূওইবা থৌদাংশিং লৌদুনা অনাবশিংগী থৱায় কনবা ঙম্লিবনি। মসীমক্তনা মরম ওইরগা দাক্তরশিং অসী ঐখোয় মীয়াম্না তাইবং শেম্বীরিবা মপূ মহাক্কি হেক ঙমথঙদা মীওইবগী থৱায় কনবিবা ঙম্বা, লাইগী শক্তি চেল্লবা মীওইশিংনি হায়দুনা ঈকায় খুম্নরিবনি।
দাক্তরশিংনা অনাবা মীওইশিং লায়েংবগী থবক চত্থরকপদা হীদাক- লাংথক হায়বসিদি চঙদবা য়ারক্তবনিনা ফার্মাসিদগী হীদাক- লাংথক লৈরগা অনাবা মীওইশিং অদুদা পীজা-পীথক তৌরিবনি। মরম অসীনা অনাবশিং লায়েংবগী থবক চত্থদুনা পুন্সি কন্ননবা হোৎনবদা তঙায়ফদনা ফার্মাসিষ্ট শিং মথৌ তাই। নীঙথিনা ট্রেন তৌদবা মীওই কয়ামরুম ফার্মাসিশিংদা হাপচীন্দুনা অনাবশিংগী হীদাক- লাংথকশিং পীথোক-পীশীন তৌহনবনা খুন্নাই অসিদা য়াম্না খুদোং থীনিঙায় ওইরক্লি হায়না মনিপুর ষ্টেট ফার্মাসি কাউন্সিলগী প্রসিদেন্ট আর কে বাসুমনি না নুংনাংবা ফোঙদোকখ্রে।
ঙরাং ইম্ফালগী লম্ফেলদা লৈরিবা রিজনেল ইন্সটিট্যুট ওফ মেদিকেল সাইন্সেস (রিমস) কি জুবিলি হোলদা, “থিঙ্ক হেল্থ, থীঙ্ক ফার্মাসিষ্ট”, হায়বা থিমদা কাউন্সিল অসীনা শীন্দুনা পাঙথোকখিবা ৱারল্ড ফার্মাসি দে-২০২৫ দা শরুক য়াখিবা কাউন্সিলগী প্রসিদেন্ট আর কে বাসুমনি না ৱাফম অসী ফোঙদোকখিবনি।থৌরমদুদা মনিপুর লৈঙাক্কি হেল্থ সার্বিসেস দিপার্টমেন্টকি দিরেক্তর দা. চম্বো গোনমৈ, ষ্টেট দ্রগ কন্ট্রোল্লর কম লাইসেন্সিং অথোরিটি সেরাম বালেশ্বরসু শরূক য়াখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে