এম পি লৈশেম্বা সনাজাউবনা মনিপুরদা ইল্লিগেল মাইগ্ৰেন্ট হান্না তকথোকত্রিফাও দেলিমিটেসন তৌদনবা রাজ্য সভাদা তকশীনখ্রে

ঙরাং রাজ্য সভাগী জেরো আৱারদা মনিপুরগী রাজ্য সভা এম পি নিংথৌ লৈশেম্বা সনাজাউবনা হাওসকি সেসন অদুগী জেরো আৱারদা মনিপুরগী ওইনা দেলিমিটেসন থা অহুমগী মনূঙদা লোইশিন্ননবা সুপ্রিম কোর্টনা ওর্দর ইস্যু তৌখিবা অদূগী মতাঙদা শেংদোক্ল দুনা, ষ্টেট অসীগী ওইনদি ইল্লিগেল ইম্মিগ্ৰেন্ট শিংগী অচৌবা ইস্যু মায়োক্নরগা লৈরিবা মরম্না মীরৈবাক মচাশিং খন্দোক্তুনা দিপোর্ট হান্না তৌরবা মতূঙদা দেলিমিটেসনগী থবক পায়খৎফম থোকই, মদূ নত্রিমখৈ মনিপুরদা দেলিমিটেসন গী থবক থৌরম অমত্তা চঙশীনবা য়াখিরোই হায়খ্রে।
মহাক্না হাওসতা থমখিবা মতূঙ ইন্না, মনিপুরদা হৌখিবা কুমশিং ১৯৬৯ দগী মমাঙগী চহী ২০২৪ ফাওবগী মতমসিদা চুরাচান্দপুর, চান্দেল, ফেরজোল, কাংপোকপি, তেংনৌপলনচিংবা দিষ্ট্রিক্ট শিং অসীদা য়াম্না ওইথোক্লরোইদবা, নাতৈ চাদবা মওংদা মীশীঙ খঙহেন হেঙ্গৎলকপগা লোয়ননা খুল মশীঙসু মীত্রংগী মতৌগুম হেঙ্গৎলম্বগী শক্তম অমা কুমশিং ২০০১ অমসুং ২০১১ গী সেন্সস তা য়েংবদগী তশেং-তশেংনা উবা, খঙবা ঙম্লে হায়না অঙকপা ফোঙদোকখি।
ওইরক্লিবা ফিভম অসীদি মমা অমনা চহী অমদা মচা ৬/৭ পোকপগী মতৌনি। মসীদি খক ওইথোকপা য়ারোইদবা অমনি। হায়রিবা চহী ৫০ গী মতমসিদা কুকি- জো কাঙলূপ্না খুন্দারিবা মফমশিং অসীদা কুমশিং ১৯৬৯ দা খুঙ্গং মশীং ৭৩১ লৈরম্বদগী কুমশিং ২০২৪ দা খুঙ্গং ১৬২৪ লৈরম্বা থেংনখি। মসীনা তাকপদি ফোরেন্নর কয়া লেপ্পা লৈতনা, অথী্বা অমত্তা য়াওদনা, হুরান- লোনাদা অমসুং আইনগী ৱাংমদা চঙশীল্লকখ্রে হায়বা তাকপনি। মতম অসীগী মনূঙদা হেঙ্গৎলক্লিবা খুঙ্গং মশীং অসী চাদা ১২২ গী চাংনি। মসী হান্না থিদোকপা মথৌ তারি হায়খি।
নাকল অমরোমদা, হায়রিবা চহী ৫০ গী মতমসিদা নাগাশিংগী খুঙ্গংদি হান্না ৫২৭ লৈরম্বদগী সূপ্নগী ৫৭৬ খক কুমশিং ২০২৪ দা হেঙ্গৎলকখি। হেঙ্গৎপগী চাংনা চাদা মাপনখক্তনি হায়খি। মতৌ অসুম্না কুকিগী এরিয়াশিংদা চহী ৫০ গী মতমসিদা খুঙ্গং ৮৯৩ হেঙ্গৎলকপা থেংনরি অদুগা নাগা এরিয়াদনা খুঙ্গং ৪৯ খক হেঙ্গৎলিবসি খন্নফম থোকপনি হায়খি।